فیصل آباد میں لاہور ہائی کورٹ بینچ کے قیام کیلئے وکلاء کی ہفتہ کو ہڑتال

ہفتہ 20 اکتوبر 2018 13:10

فیصل آباد۔20 اکتوبر(اُردو پوائنٹ اخبارتازہ ترین - اے پی پی۔ 20 اکتوبر2018ء) ڈسٹرکٹ بار ایسوسی ایشن فیصل آباد کی اپیل پر فیصل آباد میں لاہور ہائی کورٹ بینچ کے قیام کیلئے وکلاء نے ہفتہ کے روز مکمل احتجاجی ہڑتال کی اورعدالتی کاروائی کا بائیکاٹ کیاجبکہ کوئی وکیل کسی عدالت میں پیش نہیں ہوااور اس موقع پر احتجاجی ریلی بھی نکالی گئی ڈسٹرکٹ بار فیصل آباد کے ترجمان نے کہا کہ جب تک فیصل آباد میں لاہور ہائی کورٹ کے بینچ کا قیام عمل میں نہیں آ جاتا اس وقت تک ان کا احتجاج جاری رہے گا۔