وفاقی وزیر شیخ رشید احمد کا ریلوے آئی جی آفس کا دورہ، ڈاکٹر مجیب الرحمان نے ریلوے پولیس کی کارکردگی پر بریفنگ دی

ہفتہ 20 اکتوبر 2018 20:04

لاہور۔20 اکتوبر(اُردو پوائنٹ اخبارتازہ ترین - اے پی پی۔ 20 اکتوبر2018ء) وفاقی وزیر ریلوے شیخ رشید احمد نے ریلوے آئی جی آفس لاہور کا دورہ کیاجہاں آئی جی ریلوے پولیس ڈاکٹر مجیب الرحمان کی جانب سے ریلوے پولیس کی کارکردگی پروزیر ریلویزکو بریفنگ دی گئی اور وفاقی وزیر نے چیف ایگزیکٹوآفیسر محمد آفتاب اکبراور آئی جی ریلوے پولیس ڈاکٹر مجیب الرحمان کو عوام کی سہولت کے لیے سٹیشنوں پر لاسٹ اینڈ فائونڈ سنیٹر قائم کرنے کا حکم دیا۔

(جاری ہے)

وفاقی وزیر ریلویز شیخ رشید احمدنے ریلوے پولیس لائن میں نئے واٹر فلٹریشن پلانٹ کا افتتاح کیا۔ افتتاح کے بعد پولیس کے افسران اور جوانوں سے خطاب کرتے ہوئے وفاقی وزیر کا کہنا تھا کہ قبضہ مافیا سے ریلوے اراضی واگزار کروانے میں ریلوے پولیس کاتعاون درکارہے ۔ ریلوے پولیس کے مسائل سے بخوبی آگاہ ہوں اور ریلوے پولیس کی تنخواہوں کو دیگرفورسز کے برابر لانے کے لیے سنجیدگی سے غور کیا جارہاہے۔ وزیر ریلویز شیخ رشید احمد نے وزیر اعظم پاکستان کے شجرکاری مہم کے حوالے سے سینٹرل پولیس آفس میں پودا بھی لگایا۔