قبضہ مافیا سے 55کروڑ روپے مالیت کی 150کنال 11مرلے سرکاری اراضی واگزار کروالی گئی

ہفتہ 20 اکتوبر 2018 22:37

فیصل آباد۔20 اکتوبر(اُردو پوائنٹ اخبارتازہ ترین - اے پی پی۔ 20 اکتوبر2018ء) ڈائریکٹر جنرل اینٹی کرپشن پنجاب سید حسین اصغر کی ہدایات پر اینٹی کرپشن جھنگ کی قبضہ مافیا سے متعلق نشاندہی پر ضلعی محکمہ مال جھنگ کی ٹیم نے چک گھمنانہ گوجرہ روڈ میں کارروائی کرتے ہوئے 55کروڑ روپے مالیت کی 150کنال 11مرلے سرکاری اراضی قبضہ مافیا سے واگزار کرالی۔

(جاری ہے)

تفصیلات کے مطابق سرکل آفیسر اینٹی کرپشن محمد عثمان نے تحصیلدار جھنگ اور پولیس فورس کے ہمراہ چک گھمنانہ میں قابض امجد رندھاوا سے 84کنال 11مرلے اور نورمحمد سے 66کنال سرکاری اراضی واگزار کرلی۔