مالی سال 2017-18 میں چاول کی برآمد سی1.06 ارب ڈالرکا زرمبادلہ کمایا گیا ، محکمہ زراعت پنجاب

پیر 22 اکتوبر 2018 19:46

راولپنڈی 22اکتوبر(اُردو پوائنٹ اخبارتازہ ترین - اے پی پی۔ 22 اکتوبر2018ء) محکمہ زراعت پنجاب کے مطابق مالی سال 2017-18 کے دوران 2.29 ملین ٹن چاول برآمد کئے گئے جس سی1.06 ارب ڈالرکا زرمبادلہ کمایا گیا۔ترجمان نے اے پی پی کو بتایاکہ دھان ایک اہم نقد آور فصل ہے۔

(جاری ہے)

یہ فصل ہماری غذائی ضروریات پوری کرنے کے ساتھ ساتھ برآمدات کے ذریعے زرمبادلہ کمانے میں بھی اہم کردار ادا کرتی ہے۔انہوں نے کہا کہ پاکستانی باسمتی چاول اپنی خوشبو اور کوالٹی کی وجہ سے پوری دنیا میں پسند کیا جاتا ہے۔ پاکستان دنیا میں چاول برآمد کرنے والے ممالک میں اہم مقام رکھتا ہے۔