آئندہ چوبیس گھنٹوں کے دوران ملک کے بیشتر علاقوں میں موسم خشک رہنے کا امکان

منگل 23 اکتوبر 2018 10:50

اسلام آباد ۔ (اُردو پوائنٹ اخبارتازہ ترین - اے پی پی۔ 23 اکتوبر2018ء) محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک اور اسلام آباد سمیت بالائی علاقوں میں شام کے اوقات میں سرد رہے گا۔

(جاری ہے)

رپورٹ کے مطابق گذشتہ 24 گھنٹوں کے دوران بھی ملک کے بیشتر میدانی علاقوں میں موسم خشک جبکہ شمالی علاقہ جات میں سرد رہا ہے۔ گذشتہ روز ریکارڈ کیے گئے سرد ترین مقامات کا درجہ حرارت زیارت، سکردو میں منفی 02 اور کالام میں منفی 01 ڈگری سینٹی گریڈ ریکارڈ کیا گیا۔ کراچی، حیدر آباد اور سکھر میں گرمی رہی جو بدھ کے روز بھی برقرار رہے گی۔