پی ٹی آئی وزرائ کے بیان سے یہ حقیقت عیاں ہو رہی ہے، سعید غنی

نیب ، ایف آئی اے کے ہیڈکوارٹرز بنی گالہ منتقل ہوگئے ہیں ، وزرائ کے دھمکی آمیز بیان کہ حکومت مخالف سیاستدانوں کے خلاف مقدمات تیار ہیں جلد پکڑے جائیں گے، فواد چوہدری کے بیان پر ردعمل

منگل 23 اکتوبر 2018 20:06

پی ٹی آئی وزرائ کے بیان سے یہ حقیقت عیاں ہو رہی ہے، سعید غنی

اسلام آباد(اُردو پوائنٹ اخبارتازہ ترین - آن لائن۔ 23 اکتوبر2018ء) نپاکستان پیپلزپارٹی کے رہنما سعید غنی نے کہا ہے کہ پی ٹی آئی وزرائ کے بیان سے یہ حقیقت عیاں ہو رہی ہے کہ نیب اور ایف آئی اے کے ہیڈکوارٹرز بنی گالہ منتقل ہوگئے ہیں کیونکہ وزرائ کے دھمکی آمیز بیان کہ حکومت مخالف سیاستدانوں کے خلاف مقدمات تیار ہیں اور جلد پکڑے جائیں گے۔

(جاری ہے)

وزیراطلاعات فواد چوہدری کے بیان پر ردعمل کا اظہار کرتے ہوئے سعید غنی نے کہا کہ سیاسی وفاداریاں تبدیل کرنے کا ہنر رکھنے والے فواد چوہدری کو چاہیے کہ آصف علی زرداری کی فکر کرنے کی بجائے عمران خان اور پی ٹی آئی کی فکر کریں۔

انہو ں نے کہا کہ آصف علی زرداری جھوٹے مقدمات سے نہیں ڈرتے۔ پاکستان پیپلزپارٹی کی قیادت کے خلاف کردارکشی کی مہم پیپلزپارٹی مخالفین کا پرانا ہتھیار ہے۔ سعید غنی نے کہا کہ کرائے کے لائو ڈ اسپیکر وفاد چوہدری قوم کو یہ بھی بتائیں کہ کس خوف کی وجہ سے عمران نیازی اقوام متحدہ نہیں گئے۔ جہاں انہیں قوم کی نمائندگی کرنا تھی۔ن