ہری پور کے علاقہ شکر شاہ روڈ میں آوارہ کتے کے حملہ میں ایک خاتون سمیت 15 طالب علم زخمی

بدھ 24 اکتوبر 2018 10:40

ہری پور۔ (اُردو پوائنٹ اخبارتازہ ترین - اے پی پی۔ 24 اکتوبر2018ء) ہری پور کے علاقہ شکر شاہ روڈ میں آوارہ کتے کے حملہ میں ایک خاتون سمیت 15 طالب علم زخمی ہو گئے، زخمی بچوں کو ڈی ایچ کیو ہسپتال پہنچایا گیا جہاں بچوں کی ویکسی نیشن کی گئی۔ تفصیلات کے مطابق صبح سویرے مختلف نجی سکولوں کے بچے پرانا نادرا آفس کے پاس گاڑیوں سے اترے ہی تھے کہ آوارہ کتوں نے ان پر حملہ کر دیا جس کے نتیجہ میں ایک خاتون سمیت 15 بچے زخمی ہو گئے۔

(جاری ہے)

والدین کے مطابق آوارہ کتوں کی وجہ سے بچے ہر روز خوف و ہراس کا شکار رہتے ہیں، بارہا شکایات کے باوجود ٹی ایم اے حکام نے آوارہ کتے مارنے کیلئے کوئی اقدامات نہیں آٹھائے ہیں۔ عوامی و سماجی حلقوں نے بھی سکول کے بچوں پر آوارہ کتے کے حملہ پر تشویش کا اظہار کرتے ہوئے ٹی ایم اے حکام سے فوری طور پر آوارہ کتے مار مہم چلانے کی ضرورت پر زور دیا ہے۔ واضح رہے کہ آوارہ کتوں کے کاٹنے سے آئے روز متعدد لوگ زخمی ہوکر ویکسی نیشن کیلئے ہسپتال پہنچ رہے ہیں۔