سابق جج جسٹس شوکت عزیز صدیقی نی اپنی برطرفی کے ساتھ سپریم جوڈیشل کونسل کی رپورٹ کو بھی سپریم کورٹ میں چیلنج کردیا

جمعہ 26 اکتوبر 2018 23:07

اسلام آباد ۔ (اُردو پوائنٹ اخبارتازہ ترین - اے پی پی۔ 26 اکتوبر2018ء) سپریم کورٹ میں اسلام آبا دہائیکورٹ کے سابق جج جسٹس شوکت عزیز صدیقی نے اپنی برطرفی کے ساتھ سپریم جوڈیشل کونسل کی رپورٹ کو بھی چیلنج کردیا۔

(جاری ہے)

جمعہ کودائر درخواست میں جسٹس شوکت صدیقی نے خودکو اسلام آباد ہائی کورٹ کے جج کے طور پر بحال کرنے کی استدعاکرتے ہوئے موقف اختیار کیا ہے کہ جوڈیشل کونسل نے ان کو آرٹیکل 10 اے کے تحت فئیر ٹرائل کا حق نہیں دیا جوان کا آئینی حق تھا، درخواست میں مزید کہا گیا کہ آئین کے آرٹیکل 4 اور 25 کے تحت درخواست گزارکو قانونی اور مساوی حق نہیں ملا، اورا ن برطرفی کے بار ے میں جوبھی کارروائی کی گئی ہے قانون اور عدالتی فیصلوں کے منافی ہے اس لئے استدعا ہے کہ مجھے عہدے سے ہٹانے کے حوالے سے سپریم کورٹ کی جانب سے جاری 11 اکتوبر کا نوٹیفیکشن کالعدم اورمجھے بطور جج ا سلام آباد ہائیکورٹ اپنے عہدے پر بحال کیا جائے۔