مولانا فضل الرحمن کی نوازشریف سے ملاقات ،اے پی سی میں شرکت کی دعوت دی
سیاسی صورتحال ،حکومتی کارکردگی ، شہباز شریف کی گرفتاری، اے پی سی اور آئندہ کے لائحہ عمل بارے تبادلہ خیال کیا گیا نواز شریف نے اے پی سی میں شرکت سے انکار نہیں کیا بلکہ شہباز شریف سے مشاورت کیلئے وقت مانگا ہے ‘مولانا فضل الرحمن موجودہ حالات میں اپوزیشن کو مضبوط اتحاد اورمشترکہ حکمت عملی بنانے کی ضرورت ہے ‘ سربراہ جے یو آئی (ف) کی میڈیا سے گفتگو اے پی سی کے حوالے سے کوئی اصولی اختلاف نہیں ،مولانا فضل الرحمن کے سامنے اپنا نقطہ نظر رکھا ہے کہ ایجنڈا واضح ہونا چاہئے ‘احسن اقبال آج (پیر ) قومی اسمبلی کے اجلاس میں شہباز شریف سے ملاقات کے بعد مولانا فضل الرحمن کو آگاہ کریں گے‘مرکزی رہنما مسلم لیگ (ن نواز شریف نے آصف رزرداری سے ملاقات سے انکار نہیں کیا ، ہمارے دروازے ہمیشہ کھلے رہتے ہیں‘پرویز رشید کی میڈیا سے گفتگو
اتوار 28 اکتوبر 2018 18:10
(جاری ہے)
ملاقات میں حکومت کی جانب سے سیاسی مخالفین کے خلاف انتقامی کارروائیوں کی بھی شدید مذمت کی گئی ۔
اس موقع پر مولانا فضل الرحمن کا کہنا تھاکہ موجودہ حالات میں اپوزیشن کو مضبوط اتحاد اورمشترکہ حکمت عملی بنانے کی ضرورت ہے تاکہ حکومت کو اس کے غلط اقدامات سے روکا جا سکے۔ ذرائع کے مطابق مولانا فضل الرحمن نے نواز شریف کو اے پی سی میں شرکت کی دعوت اور حاضری یقینی بنانے کی درخواست کی ۔مولانا فضل الرحمن نے نواز شریف کو اے پی سی کے حوالے سے دیگر جماعتوں سے ہونے والے رابطوں بارے بھی آگاہ کیا ۔ اس موقع پر مجوزہ اے پی سی کی تاریخوں کے حوالے سے بھی تبادلہ خیال کیا گیا ۔ میڈیا سے گفتگو کرتے ہوئے مولانا فضل الرحمن نے بتایا کہ نواز شریف نے اے پی سی میں شرکت کے حوالے سے انکار نہیں کیا بلکہ انہوں نے شہباز شریف سے مشاورت کے لئے وقت مانگا ہے ۔ انہوںنے کہاکہ تحریک انصاف کی حکومت مینڈیٹ حاصل کر کے اقتدار میں نہیں آئی بلکہ ٹھگی کر کے آئی ہے ۔حکومتی کارکردگی سے ملک متاثر ہوا ہے ،مہنگائی اور قرضوںمیں اضافہ تشویشناک بات ہے ۔انہوںنے کہاکہ ہم نے پہلے ہی بتادیا تھا کہ اگر تحریک انصاف کی حکومت آئی تو وہ یہودیوں کی حکومت ہوگی اور اسرائیل طیار ے کی پاکستان لینڈنگ سے ثابت ہوگیا ہے ۔اسرائیکل چاہتا ہے کہ اسے تسلیم کیا جائے ،اس سے اسلحہ خریدا جائے ،تجارت کی جائے لیکن ایسا نہیں ہونے دیں گے ۔ انہوںنے کہاکہ ابھی غور کررہے ہیں کہ اے پی سی کا ایجنڈا کیا ہوگا ۔مسلم لیگ (ن) کے مرکزی رہنما احسن اقبال نے کہا کہ مسلم لیگ (ن) کو اے پی سی کے حوالے سے کوئی اصولی اختلاف نہیں ،ہم نے مولانا فضل الرحمن کے سامنے اپنا نقطہ نظر رکھا ہے کہ اے پی سی کا ایجنڈا واضح ہونا چاہئے ،ہم حکومت نہیں گرانا چاہتے ۔ انہوں نے کہا کہ آج (پیر ) قومی اسمبلی میں شہباز شریف کی آمد پر لیگی قیادت مشاورت کرے گی ،ہم شہباز شریف سے ۔مشاورت کے بعد مولانا فضل الرحمن کو آگاہ کریں گے ۔ احسن اقبال نے بتایا کہ اتوار کے روز شہباز شریف سے ملاقات ہونا تھی لیکن نیب نے ملاقات کی اجازت نہیں دی ۔شہباز شریف نے آج ( پیر ) قومی اسمبلی آنا ہے وہاں پر اے پی سی کے حوالے مشاورت کریں گے ۔ جبکہ (ن) کے مرکزی رہنما پرویز رشید نے میڈیا سے گفتگو کرتے ہوئے کہا کہ مولانا بزرگ ہیں اور اچھی بات یہی ہے کہ بزرگ ہی بات کریں ، اے پی سی کے حوالے سے بھی وہی بتائیں گے جو کچھ ہم سوچتے ہیں مولانا صاحب آپ کو بتادیں گے ۔نوازشریف کی جانب سے آصف زرداری سے ملاقا ت کرنے سے انکار کے حوالے سے سوال کے جواب میں انہوںنے کہاکہ ہمارے دروازے ہمیشہ کھلے رہتے ہیں کبھی کسی کو انکا رنہیںکرتے ۔مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.