صوبے کے تیل وگیس سے متعلق مسائل بہت جلد حل کریںگے،محمودخان
ہم نے تیل اور گیس کے شعبوں میں صوبے کے پوٹینشل اور اس سلسلے میں درپیش مسائل سے آگاہ کیا جس پر وفاقی وزیر برائے پٹرولیم نے مسائل حل کرنے کیلئے بھر پور تعاون کا یقین دلایا ہے، وفاق اور صوبے کی سوچ ایک ہے ہم ملکر آگے بڑھیں گے ۔ صوبے کے مسائل حل کریں گے،وفاقی وزیرغلام سرور
بدھ 7 نومبر 2018 22:14
(جاری ہے)
اجلاس میں تیل اورگیس کے شعبے میں صوبائی حکومت کے مسائل پر خصوصی تبادلہ خیال کیا گیاجن میں کرک ، ہنگو اور کوہاٹ کو گیس کی فراہمی میں درپیش مسائل اور اوگرا کے بورڈ آف ڈائریکٹر سمیت دیگر بورڈز میں صوبے کی نمائندگی جیسے اہم مسائل بھی شامل تھے۔
اجلاس میں مذکورہ اضلاع میں گیس نیٹ ورک کی توسیع کا اُصولی فیصلہ کیا گیا اور اس سلسلے میں وفاقی اور صوبائی حکومتوں کے تعاون سے مسائل کا قابل عمل حل نکالنے کے عزم کا اظہار کیا گیا ۔بعدازاںمشترکہ پریس کانفرنس سے خطاب کرتے ہوئے وفاقی وزیر برائے تیل وگیس وقدرتی وسائل غلام سرور خان نے کہا ہے کہ توانائی کے بحران کی ذمہ دار تحریک انصاف حکومت نہیں بلکہ پیپلزپارٹی اور مسلم لیگ(ن)کی حکومتیں ہیں جو باریاں لیتے ہوئے اقتدار میں آتی اور ملک کو قرضوں کے تحفے دے کر جاتی رہیں تاہم ہم نے اب صوبوں کے مسائل کو حل کرنے کابیڑہ اٹھایاہے اور صوبوں کے ساتھ مل کر ان کے مسائل حل کرینگے اور جو مسائل حل نہ کرسکے ان کو مشترکہ مفادات کونسل کے فورم پر لے جائیں گے،وہ بدھ کے روز وزیراعلیٰ سیکرٹریٹ پشاورمیں پریس کانفرنسسے خطاب کررہے تھے،ان کے ہمراہ وزیراعلیٰ خیبرپختونخوا محمود خان بھی موجود تھے،وفاقی وزیر نے کہا کہ خیبرپختونخوا کے وزیراعلیٰ کے ساتھ مذاکرات میں صوبہ کی جانب سے مجموعی طورپر10 بڑے مسائل سامنے آئے ہیں جن کے حوالے سے ہم نے تفصیلی بات چیت کی اور ہم مل کر انھیں حل کرینگے۔انہوںنے کہا کہ ہماری حکومت کو75 دن ہوئے ہیں لیکن ہم پوری فارم میں آکر کام کررہے ہیں،ہمیں احساس ہے کہ صوبوں کو اٹھارویں ترمیم میں حاصل حقوق نہیں مل رہے جو ہم صوبوں کو دینگے۔انہوں نے کہا کہ اس وقت ملک کو معاشی،پانی اور توانائی کے بھران کا سامنا کرنا پڑرہا ہے اور ہم گزشتہ حکومتوں کی جانب سے پیدا کیے جانے والے ان مسائل کو حل کرنے کے لیے کوشاں ہین۔انہوں نے کہا کہ سابقہ حکمرانوں کی غلط پالیسیوں کی وجہ سے نیلم جہلم ہائیڈروپاور پراجیکٹ506 ارب پر چلا گیا،480 ارب کا(ن)لیگ کی حکومت کے پہلے سال کا سرکلر ڈیٹ بڑھ کرپانچ سالوں میں1200 ارب پر آگیا جبکہ پہلی مرتبہ سوئی نادرن گیس بھی خسارے میں گئی۔انہوںنے کہا کہ سوئی نادرن گیس کا شارٹ فال اس وقت20 ارب کا ہے جبکہ ہمیں خیبرپختونخوا کے بعض علاقوں سی98 فیصد ریکوری میں شارٹ فال ہے جس کے لیے ہم مل کر کام کرینگے جس میں صوبہ بھی ہمارے ساتھ تعاون کریگا۔انہوںنے کہا کہ ایس این ایل جی کے تمام بورڈز میں چاروں صوبوں کو نمائندگی دی جائے گی جبکہ ہم صوبوں کے لیویز اورخام آئل ڈیوٹی کے مسائل بھی حل کرینگے۔انہوںنے کہا کہ صوبہ کے بقایاجات کا معاملہ ہمارے گھر کا معاملہ ہے جو ہم انھیں ادا کرینگے جبکہ 2001 کی پالیسی کے مطابق جس علاقے سے گیس نکلتی ہے اس مقام کے مربع پانچ کلومیٹر علاقے میں گیس فراہم کی جائے گی تاکہ مسائل کا خاتمہ کیاجاسکے۔مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.