پاکستان اور چین خطے کی ترقی و خوشحالی کیلئے ایک جیسا نقطہ نظر رکھتے ہیں ،
دونوں ملک ترقی کے مشترکہ ویژن میں شراکت دار ہیں،چین اور پاکستان کی دوستی کی ایک لازوال تاریخ ہے اور چین نے ہر مشکل وقت میں پاکستان کا ساتھ دیا ہے ،دونوں ممالک ایشیاء کی تقدیر کو بدل سکتے ہیں چیئرمین سینیٹ محمد صادق سنجرانی کا چین کی نیشنل پیپلزکانگرس کی قائمہ کمیٹی کے وفد سے ملاقات کے دوران اظہار خیال
ہفتہ 10 نومبر 2018 20:04
(جاری ہے)
انہوں نے چین کے صدر ژی جن پنگ کی سماجی ترقی کی حکمت عملی کو سراہا جس کے تحت لاکھوں لوگوں کو غربت سے نکال کر بہتر معیار زندگی فراہم کیا گیا ۔
انہوں نے کہا کہ پاکستان کی موجودہ حکومت کی حکمت عملی بھی بہتر طرز حکمرانی ، غربت کے خاتمے اور کرپشن کے تدارک کے گرد گھومتی ہے جو کہ چین کی قومی ترقی کے ایجنڈے ساتھ مماثلت رکھتی ہے ۔ چیئرمین سینیٹ نے گوادر میں حال ہی میں منعقد ہونے والی ایشیائی پارلیمانی اسمبلی کی سیاسی امور کی کمیٹی کے اجلاس کے بارے میں آگاہ کیا اور کہا کہ 23 ممالک کے 100 مندوبین اجلاس میں شریک ہوئے جو کہ اس بات کی عکاسی کرتا ہے کہ ایشیائی ممالک خطے کی ترقی اور معاشی خوشحالی میں گوادر کی اہمیت کو تسلیم کرتے ہیں ۔صادق سنجرانی نے کہا کہ گوادر خطے کی اقتصادی ترقی میں اہم کردار ادا کرے گا۔ اپنے دورہ چین کا ذکر کر تے ہوئے چیئرمین سینیٹ نے کہا کہ پارلیمانی سطح پر وفود کے تبادلوں اور ایک دوسرے کے تجربات سے فائدہ اٹھا کر دوطرفہ تعاون کیلئے نئی راہیںہموار کی جا سکتی ہیں ۔ چیئرمین سینیٹ نے گوادر میں چین کی جانب سے گرین گوادر منصوبے کے تحت 1 ملین درخت لگانے کے اقدام کو سراہا اور چین کی حکومت ، قیادت اور عوام کا شکریہ ادا کیا ۔چیئرمین سینیٹ نے کہا کہ چین اور پاکستان کی دوستی کی ایک لازوال تاریخ ہے اور چین نے ہر مشکل وقت میں پاکستان کا ساتھ دیا ہے ۔چینی وفد کے رہنما نے چیئرمین سینیٹ محمد صادق سنجرانی کا شکریہ ادا کیا اور کہا کہ تجارت دونوں ممالک کی ترقی کیلئے اہم ہے اور دوطرفہ تعاون میں معاشی ترقی کو اہمیت حاصل ہے ۔انہوں نے کہا کہ گوادر بندرگاہ تعاون کی ایک نئی سمت متعین کرے گا اورصوبہ بلوچستان پر بھی ترقی کے اثرات مرتب ہونگے ۔انہوں نے کہا کہ قانون ساز اداروں کے درمیان تعاون کو مزید فروغ دینے اور آگے بڑھانے کی ضرورت ہے اور دونوں ملکوں کے درمیان ادارہ جاتی تعاون کے لحاظ سے وزیراعظم عمران خان کا دورہ انتہائی مفید ہے ۔چینی وفد نے بتایا کہ بھاری سرمایہ کاری کے ذریعے گوادر میں مختلف صنعتیں لگائی جائیں گی جس سے دونوں ملکوں کو معاشی و اقتصادی سطح پر فائدہ ہوگا اور تعاون کیلئے نئی راہیں بھی ہموار ہونگی ۔چینی وفد نے بلوچستان کے طلبا کو ٹیکنکل شعبوں میں تربیت دینے اور ان کی مہارت بڑھانے کے حوالے سے یقین دہانی بھی کرائی ۔ملاقات میں سینیٹرز کہدہ بابر ، دلاور خان ، احمد خان ، نگہت مرزا، سپیشل سیکرٹری سینیٹ محمد انور بھی موجود تھے ۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.