اسلام آباد پولیس نے شہر کے مختلف تعلیمی اداروں میں منشیات فروشی میں ملوث دو غیر ملکیوں کو گرفتار کر لیا

پیر 12 نومبر 2018 18:40

اسلام آباد(اُردو پوائنٹ اخبارتازہ ترین - این این آئی۔ 12 نومبر2018ء) اسلام آباد پولیس نے شہر کے مختلف تعلیمی اداروں میں منشیات فروشی میں ملوث دو غیر ملکیوں کو گرفتار کر لیا جن میں ایک خاتون بھی شامل ہے۔

(جاری ہے)

تفصیلات کے مطابق اسلام آباد پولیس کی طرف سے تعلیمی اداروں میں منشیات فروشی کی روک تھام کے لئے آپریشن کلین اپ کے دوران گاڑیوں، موٹر سائیکلوں اور پیدل چلنے والوں کی کڑی نگرانی کا عمل جاری ہے گزشتہ روز تھانہ سیکریٹریٹ پولیس نے دوران چیکنگ مر روڈ سے نائجیرین باشندے ملزم جوزف سے ایک کلو ہیروئن،15گرام کوکین،5گرام کرسٹل برآمد کر کے گرفتار کر لیا جبکہ میریٹ ہوٹل کے قریب ناکے پر دوران چیکنگ آذربائیجان کی رہائشی ملزمہ عصیفہ سے ایک کلو ہیروئن برآمد کر کے گرفتار کر لیا دونوں ملزموں کے خلاف مقدمات درج کرکے تفتیش شروع کردی گئی ہے۔