سی پیک منصوبہ پاکستان کی معیشت کی ترقی کیلئے اہم ہے، 11 ہزار ملازمتوں کا وعدہ پورا کرینگے، شیخ رشید

وزیراعظم پیکیج پر کام کرنیوالے عارضی ملازمین کو مستقل کرنے کیلئے سمری ارسال کر دی ہے، تمام ٹرینیں توقع سے زیادہ اچھی چل رہی ہیں، پرانی کوچز کو ٹھیک کر کے چلا رہے ہیں، ایک سال میں 15 مال گاڑیاں چلانے کا ہدف ہے، دسمبر میں 2 مزید مال گاڑیاں چلائیں گے،وزیر ریلوے کی پریس کانفرنس

پیر نومبر 22:31

سی پیک منصوبہ پاکستان کی معیشت کی ترقی کیلئے اہم ہے، 11 ہزار ملازمتوں ..
اسلام آباد (اُردو پوائنٹ اخبارتازہ ترین۔ 12 نومبر2018ء) وفاقی وزیر ریلوے شیخ رشید احمد نے کہا ہے کہ جب فالود ے والے کا اکائونٹ کھلے گا تو سب سامنے آ جائے گا ،آصف علی زرداری پیدائشی طور پر جیل کا خام مال ہیں ،اس وقت صرف ایک ہی شخص شہباز شریف ہے جو این آر او مانگ رہا ہے ، سی پیک منصوبہ پاکستان کی معیشت کی ترقی کیلئے اہم ہے، 11 ہزار ملازمتوں کا وعدہ پورا کرینگے، وزیراعظم پیکیج پر کام کرنے والے عارضی ملازمین کو مستقل کرنے کیلئے وزیراعظم کو سمری ارسال کر دی ہے، تمام ٹرینیں توقع سے زیادہ اچھی چل رہی ہیں، پرانی کوچز کو ٹھیک کر کے چلا رہے ہیں، ایک سال میں 15 مال گاڑیاں چلانے کا ہدف ہے، دسمبر میں 2 مزید مال گاڑیاں چلائیں گے،ٹرینوں میں وائی فائی لگانے کا منصوبہ ہے، گوادر میں ریلوے ڈویژن بنا دیا گیا ہے۔

(جاری ہے)

پیر کو نیشنل پریس کلب اسلام آباد میں پریس کانفرنس کرتے ہوئے وفاقی وزیر ریلوے شیخ رشید احمد نے کہا کہ وزیراعظم عمران خان کی ہدایت پر 100 روزہ کارکردگی سب کے سامنے رکھ رہے ہیں۔ انہوں نے کہا کہ 11 ہزار ملازمتوں کا وعدہ پوراکرینگے ،ریلوے میں 2031 بھرتیوں کا عمل پہلے سے جاری ہے، 155 سب انجینئرز کو بھرتی کیا جائے گا ۔ انہوں نے کہا کہ 10 مسافر ٹرینوں کا وعدہ تھا جن میں سے 6 ٹرینیں چلا دی ہے جبکہ 4 مزید ٹرینیں جلد چلائی جائیں گی۔

انہوں نے کہا کہ ہم فیصل آباد، ملتان، میرپورخاص سکھر ٹرینیں چلائیں گے، رحمان بابا ایکسپریس چلنے میں کچھ دیر ہے، دسمبر میں مزید 2 مال گاڑیاں بھی چلائیں گے۔ انہوں نے کہا کہ ویجی لینس ڈیپارٹمنٹ ختم کرنے جا رہے ہیں، ریلوے کالونیوں میں بجلی کے میٹر لگائے جائینگے۔ انہوں نے کہا کہ 15 ہزار بجلی کے میٹر لگائے جائیں گے، پنشن اور ریلوے کی زمینوں کے نظام کو کمپیوٹرائزڈ کر دیا ہے۔

انہوں نے کہا کہ ریلوے کے سکول و کالجز پبلک پرائیوٹ پارٹنر شپ میں دینے کیلئے ٹینڈر کر رہے ہیں۔ انہوں نے کہا کہ مغلپورہ کی فیکٹریوں میں بائیو میٹرک لگا رہے ہیں، رسالپور میں بھی جلد بائیو میٹرک لگائینگے۔ انہوں نے کہا کہ ریلوے سے ریٹائر ہو کر دوبارہ کنٹریکٹ پر ملازمت کرنے والے ملازمین کو ایک سال کے اندر فارغ کرکے نوجوانوں کو ان کی جگہ موقع دیں گے۔

انہوں نے کہا کہ سی پیک منصوبہ پاکستان کی معیشت کی ترقی کیلئے اہم ہے، وزیراعظم پیکیج پر کام کرنے والے عارضی ملازمین کو مستقل کرنے کیلئے وزیراعظم کو سمری ارسال کر دی ہے، تمام ٹرینیں توقع سے زیادہ اچھی چل رہی ہیں، پرانی کوچز کو ٹھیک کر کے چلا رہے ہیں، ایک سال میں 15 مال گاڑیاں چلانے کا ہدف ہے، دسمبر میں 2 مزید مال گاڑیاں چلائیں گے۔ انہوں نے کہا کہ گوادرمیں ریلوے ڈویژن بنا دیا گیا ہے۔

میڈیا کے سوالوں کا جواب دیتے ہوئے وفاقی وزیر ریلوے شیخ رشید نے کہا کہ جب فالودے والے کا اکاؤنٹ کھلے گا تو سب سامنے آجائے گا۔ آصف علی زرداری پیدائشی طور پر جیل کا خام مال ہیں۔وفاقی وزیر ریلوے شیخ رشید نے کہا کہ لوٹا ہوا مال کب واپس آئے گا یہ ایک مشکل سوال ہے، لیکن مال لوٹنے والوں کو ہی خزانے کے پاس بھیج دیں گے۔ نئے سال پر جھاڑو پھرے گا۔انہوںنے کہا کہ پاکستان میں صرف ایک ہی شخص این آر او مانگ رہا ہے اور وہ شہباز شریف ہے۔