امریکی ڈالر کے مقابلے میں پاکستانی روپے کی بے قدری کا تسلسل جاری

کراچی(اُردو پوائنٹ اخبارتازہ ترین - این این آئی۔ 13 نومبر2018ء) امریکی ڈالر کے مقابلے میں پاکستانی روپے کی بے قدری کا تسلسل جاری ہے،منگل کوانٹربینک مارکیٹ میں روپے کے مقابلے میں ڈالر مزید6پیسے اوراوپن کرنسی مارکیٹ میں روپے کے مقابلے میں امریکی ڈالر کی قیمت خریدمیں استحکام اورقیمت فروخت میں10پیسے کااضافہ ریکارڈ کیاگیا۔فاریکس ایسوسی ایشن آف پاکستان کے جاری کردہ اعدادوشمارکے مطابق منگل کوانٹربینک مارکیٹ میں روپے کے مقابلے میں امریکی ڈالر کی قیمت خریدمیں4پیسے اور قیمت فروخت میں6پیسے کا اضافہ ریکارڈ کیاگیا، جس کے نتیجے میں امریکی ڈالر کی قیمت خرید 133.96روپے سے بڑھ کر134.00روپے اور قیمت فروخت 134.04روپے سے بڑھ کر134.10روپے ہوگئی۔

اوپن کرنسی مارکیٹ میں ڈالرکی قیمت خرید میں استحکام اور قیمت فروخت میںمزید10پیسے کااضافہ ریکارڈ کیاگیا،جس کے نتیجے میں امریکی ڈالر کی قیمت خرید133.80روپے پرمستحکم اورقیمت فروخت134.20روپے سے بڑھ کر135.30روپے ہوگئی۔

(جاری ہے)

یوروکی قیمت خریدمیں30پیسے کی کمی اور قیمت فروخت میں30پیسے کااضافہ جبکہ برطانوی پائونڈکی قیمت خریدمیں ایک روپے اور قیمت فروخت میں1.50روپے کااضافہ ریکارڈ کیاگیا،جس کے نتیجے میں بالترتیب یوروکی قیمت خرید150.60روپے سے گھٹ کر150.30روپی اورقیمت فروخت152.00روپے سے بڑھ کر152.30روپے جبکہ برطانوی پائونڈ کی قیمت خرید171.50روپے سے بڑھ کر172.50روپے اورقیمت فروخت173.00روپی سے بڑھ کر174.50روپے ہوگئی۔

فاریکس رپورٹ کے مطابق سعودی ریال کی قیمت خریدمیں5پیسے کی کمی اور قیمت فروخت میں15پیسے کااضافہ جبکہ یواے ای درہم کی قیمت خرید میں5پیسے اور قیمت فروخت میں30پیسے کا اضافہ ریکارڈکیا گیا،جس کے نتیجے میں باالترتیب سعودی ریال کی قیمت خرید35.65روپے سے گھٹ کر35.60روپی اورقیمت فروخت36.05روپی سے بڑھ کر36.20روپے جبکہ یواے ای درہم کی قیمت خرید36.45روپی سے بڑھ کر36.50روپے اورقیمت فروخت36.80روپے سے بڑھ کر37.10روپے ہوگئی۔منگل کوچینی یوآن کی قیمت میں10پیسے کی کمی ریکارڈ کی گئی،جس کے نتیجے میں چینی یوآن کی قیمت خرید19.30روپے سے گھٹ کر19.20روپے اور قیمت فروخت20.30روپے سے گھٹ کر20.20روپے ہوگئی۔