کویت میں موسلادھار بارش کے باعث عام تعطیل کا اعلان

کویتی کابینہ کی ملکی وغیر ملکی رہائشیوں کو احتیاطی تدابیر اختیار کرنے اور پر خطر مقامات سے دور رہنے کی ہدایت

بدھ 14 نومبر 2018 14:44

کویت سٹی(اُردو پوائنٹ اخبارتازہ ترین - این این آئی۔ 14 نومبر2018ء) یتی کابینہ نے ہدایت جاری کی ہے کہ بدھ کو تمام وزارتیں، سرکاری ادارے، کالج اور سرکاری ونجی تعلیمی ادارے بند رہیں گے۔

(جاری ہے)

غیرملکی خبررساں ادارے کے مطابق ایک بیان میں کابینہ نے کہا کہ محکمہ موسمیات کی پیشگوئی کے مطابق آئندہ چوبیس گھنٹے کے دوران ملک بھر میں موسلادھار بارش، تیز ہوا اور غیر یقینی موسم کا امکان ہے۔ ملازمین، طلبہ، اساتذہ اور شہریوں کے علاوہ غیر ملکیوں کی سلامتی کے لئے تعطیل کا اعلان کیا جارہاہے۔ علاوہ ازیں رہائشیوں کو احتیاطی تدابیر اختیار کرنے اور پر خطر مقامات سے دور رہنے کی ہدایت کی جاتی ہے۔