لگتا ہے آفریدی نے آئی پی ایل کھیلنی ہے جو کشمیر پر ایسا بیان دیا ،ْراجا فاروق حیدر

کشمیر حساس معاملہ ہے ،ْآفریدی کشمیریوں کے جذبات سے نہ کھیلیں ،ْکشمیر کی آزادی پر کوئی سمجھوتہ نہیں ہوگا ،ْ تقریب سے خطاب

جمعرات 15 نومبر 2018 13:40

لگتا ہے آفریدی نے آئی پی ایل کھیلنی ہے جو کشمیر پر ایسا بیان دیا ،ْراجا ..

لندن(اُردو پوائنٹ اخبارتازہ ترین - این این آئی۔ 15 نومبر2018ء) پاکستان کرکٹ ٹیم کے سابق کپتان شاہد آفریدی کے کشمیر کے حوالے سے متنازع ویڈیو بیان پر سخت ردعمل ظاہر کرتے ہوئے وزیراعظم آزاد کشمیر راجا فاروق حیدر نے کہا ہے کہ لگتا ہے شاہد آفریدی کو انڈین پریمیئر لیگ (آئی پی ایل) کھیلنی ہے، اسی لیے انہوں نے ایسی باتیں کی ہیں۔

(جاری ہے)

لندن میں ایک تقریب سے خطاب کرتے ہوئے راجا فاروق حیدر نے کہا کہ کشمیر حساس معاملہ ہے ،ْآفریدی کشمیریوں کے جذبات سے نہ کھیلیں ،ْکشمیر کی آزادی پر کوئی سمجھوتہ نہیں ہوگا۔

انہوں نے کہا کہ کشمیر ہمارے لیے زندگی اور موت کا مسئلہ ہے، کھلاڑیوں کو ایسے بیانات نہیں دینے چاہئیں۔انہوںنے کہاکہ بھارت کے انتخابات قریب ہیں، اس لیے وہ لائن آف کنٹرول (ایل او سی) پر مسلسل خلاف ورزیاں کررہا ہے۔راجا فاروق حیدر نے کہا کہ اقوام عالم بھارتی مظالم سیآگاہ ہیں اور انہیں اس سلسلے میں فوری اقدامات کرنا ہوں گے۔