وزیراطلاعات آزاد کشمیر کی آسیہ اندارنی سمیت تین کشمیری خواتین پرفرد جرم عائد کرنے کی مذمت

بھارتی حکام نے آسیہ اندرابی جیسی جری اور نڈر خاتون کو ڈرانے دھمکانے کی بہت کوشش کی مگر وہ ناکام رہے،راجہ مشتاق منہاس

جمعرات 15 نومبر 2018 21:59

راولپنڈی (اُردو پوائنٹ اخبارتازہ ترین - این این آئی۔ 15 نومبر2018ء) آزادجموں وکشمیر کے وزیر اطلاعات و سیاحت راجہ مشتاق احمد منہاس نے بھارتی حکام کی جانب سے دختران ملت کی سربراہآسیہ اندرابی سمیت تین کشمیری خواتین کو نام نہاد مقدمے میں فرد جرم عائد کرنے کی شدید ترین الفاظ میں مذمت کی ہے۔وزیر اطلاعات راجہ مشتاق احمد منہاس نے اپنے ردعمل میں کہا کہ بھارتی حکام نے آسیہ اندرابی جیسی جری اور نڈر خاتون کو ڈرانے دھمکانے کی بہت کوشش کی مگر وہ اس میں ناکام رہے۔

(جاری ہے)

انہوں نے کہا کہ محترمہ آسیہ اندرابی انتہائی جرات سے مقبوضہ کشمیر میں تحریک آزادی کشمیر کا علم بلند رکھے ہوے ہیں۔انہوں نے مجترمہ آسیہ اندرابی کی جدوجہد کو شاندار الفاظ میں خراج تحسین پیش کرتے ہوے کہا کہ بھارتی فوج کشمیریوں کا جذبہ حریت کم نہیں کر سکی ہے۔انہوں نے عالمی برادری پر بھی زور دیا کہ وہ کشمیری خواتین کے خلاف بھارت کی معاندانہ پالیسیوں کا نوٹس لے اور ان کے خلاف انسانی حقوق کی سنگین خلاف ورزیوں کا نوٹس لیتے ہوے بھارت کو اس طرح کی کارروائیاں فوری طور پر ختم کرنے کے لیے مجبور کیا جائے۔