وزیر اعظم عمران خان سے سربراہ پاک فضائیہ مجاہد انور کی ملاقات

ائر چیف نے وزیر اعظم کو پاک فضائیہ کے آپریشنل تیاریوں پر بریفنگ دی فضائیہ ہرملک کے دفاع میںکلیدی کردار آدا کرتی ہے‘ ہماری حکومت پاک فضائیہ کی تمام ترضروریات پورا کرے گی‘وزیراعظم

جمعہ 16 نومبر 2018 16:50

اسلام آباد(اُردو پوائنٹ اخبارتازہ ترین - آن لائن۔ 16 نومبر2018ء) وزیر اعظم عمران خان سے سربراہ پاک فضائیہ مجاہد انور نے ملاقات کی ،جس میں پاک فضائیہ کے پیشہ ورانہ امور پر تبادلہ خیال کیا۔

(جاری ہے)

تفصیلات کے مطابق جمعہ کے روز وزیر اعظم عمران خان سے پاک فضائیہ کے سربراہ مجاہد انور نے وزیر اعظم ہائو س میں ملاقات کی ،جس میں ایئر چیف مجاہد انور نے وزیر اعظم کو پاک فضائیہ کے آپریشنل تیاریوں پر بریفنگ دی ۔اس موقع پر عمران خان نے ملکی دفاع سمیت فضائی تحفظ کے لئے پاک فضائیہ کے کردار کو سراہتے ہوئے کہا کہ کسی بھی ملک کے تحفظ میں اسکی فضائیہ کا کر دار اہم ہوتا ہے اور فضائیہ ہر ملک کے دفاع میں ریڑھ کی ہڈی کا کردار آدا کرتی ہے ہماری حکومت پاک فضائیہ کی تمام ترضروریات کو پورا کرے گی۔