جاپانی وزیراعظم کی آسٹریلیاآمد،دورہ کرنے والے پہلے سربراہ بن گئے

جاپانی وزیراعظم نے ہم منصب کے ہمراہ دوسری جنگ عظیم میں ہلاک ہونے والوں کی یادگار پر پھول چڑھائے

جمعہ 16 نومبر 2018 17:38

ٹوکیو (اُردو پوائنٹ اخبارتازہ ترین - این این آئی۔ 16 نومبر2018ء) جاپان کے وزیراعظم شینزو آبے آسٹریلیا پہنچ گئے ۔ وہ اپنے ملک کے پہلے وزیر اعظم ہیں جنہوں نے آسٹریلوی شہر ڈارون کا دورہ کیا ہے۔غیرملکی خبررساں ادارے کے مطابق ڈارون شہر کو دوسری عالمی جنگ کے دوران جاپانی جنگی طیاروں نے اپنی بمباری سے شدید نقصان پہنچایا تھا۔

(جاری ہے)

اس شہر میں پہنچنے کے بعد جاپانی وزیراعظم نے اپنے آسٹریلوی ہم منصب اسکاٹ موریسن کے ساتھ ہلاک ہونے والوں کی یادگار پر پھول چڑھائے۔ دونوں لیڈروں نے پھول رکھنے کے بعد ایک منٹ کی خاموشی بھی اختیار کی۔ آبے نے اس شہر کے دورے کو ایک مصالحتی اقدام قرار دیا۔ موریسن اور آبے باہمی تعلقات میں بحر الکاہل کی سکیورٹی صورت حال پر خاص طور پر فوکس کریں گے۔