Live Updates

گرفتاری کے ڈر کے باعث سلمان شہباز کا پاکستان واپس نہ آنے کا فیصلہ

نیب کی جانب سے نام ای سی ایل میں ڈالے جانے کی درخواست دیے جانے کے بعد شہباز شریف کے صاحبزادے کا لندن میں ہی قیام کرنے کا فیصلہ

muhammad ali محمد علی جمعہ 16 نومبر 2018 18:59

گرفتاری کے ڈر کے باعث سلمان شہباز کا پاکستان واپس نہ آنے کا فیصلہ
لاہور (اُردو پوائنٹ تازہ ترین اخبار۔ 16 نومبر 2018ء) گرفتاری کے ڈر کے باعث سلمان شہباز کا پاکستان واپس نہ آنے کا فیصلہ، نیب کی جانب سے نام ای سی ایل میں ڈالے جانے کی درخواست دیے جانے کے بعد شہباز شریف کے صاحبزادے کا لندن میں ہی قیام کرنے کا فیصلہ۔ تفصیلات کے مطابق گرفتاری کے ڈر کے باعث سلمان شہباز کا پاکستان واپس نہ آنے کا فیصلہ کا ہے۔ نیب کی جانب سے سلمان شہباز کا نام ای سی ایل میں ڈالے جانے کی درخواست دیے جانے کے بعد شہباز شریف کے صاحبزادے نے پاکستان واپس آنے کی بجائے اب لندن میں ہی قیام کرنے کا فیصلہ کیا ہے۔

اس سے قبل نیب نے مسلم لیگ ن کے صدر اور اپوزیشن لیڈر قومی اسمبلی شہباز شریف کے دونوں صاحبزادوں حمزہ شہباز اور سلمان شہباز کا نام ایگزٹ کنٹرول لسٹ میں ڈالنے کی سفارش کر دی ہے۔

(جاری ہے)

ذرائع کے مطابق حمزہ شہباز اور سلمان شہباز کا نام ای سی ایل میں ڈالنے کے لیے نیب کی جانب سے وزارت داخلہ کو بھی خط لکھ دیا گیا ہے البتہ وزارت داخلہ نے تاحال نیب کے خط کے حوالے سے کوئی بیان جاری نہیں کیا۔

یاد رہے کہی دو روز قبل مسلم لیگ ن کے صدر شہباز شریف کے صاحبزادوں حمزہ شہباز اور سلمان شہباز کے بینک اکاؤنٹس میں مشتبہ ٹرانزیکشنز کا انکشاف ہوا تھا ۔ ذرائع کے مطابق شہباز شریف اور ان کے بیٹوں کے خلاف آمدن سے زائد اثاثہ جات کیس کی تحقیقات جاری ہیں ۔ جس کےتحت نیب نے شہباز شریف اور ان کے بیٹوں کی بینکوں سے بینک اکاؤنٹس کی تفصیلات طلب کی تھیں ۔

ذرائع کے مطابق شہبازشریف کا ریکارڈ ایک روز قبل ایک نجی بینک نے نیب کی جمع کروا دیا تھا۔ خیال رہے کہ رمضان شوگر ملز کے ڈائریکٹرز حمزہ شہباز اور سلمان شہباز کے خلاف نیب کی تحقیقات کا سلسلہ جاری ہے۔ نیب نے سابق وزیراعلی پنجاب اور قومی اسمبلی میں اپوزیشن لیڈر شہباز شریف کے صاحبزادوں حمزہ شہباز اور سلمان شہباز کو گذشتہ ماہ طلب کیا۔

نیب نے حمزہ شہباز اور سلمان شہباز کو آمدن سے زائد اثاثے بنانے کے معاملے کی تحقیقات کے لیے طلب کیا ۔ واضح رہے کہ نیب کی زیر حراست دوران تفتیش سابق وزیراعلیٰ پنجاب اور مسلم لیگ ن کے صدر شہباز شریف نے نیب کے سامنے اعتراف کیا کہ مالی معاملات میرا بیٹا سلمان دیکھتا ہے۔جس کے بعد نیب نے ان کے صاحبزادے سلمان شہباز کو طلب کرنے کا فیصلہ کیا تھا اور سلمان شہباز کو شہباز شریف کی مالی دستاویز بھی ساتھ لانے کا حکم دیا گیا تھا۔

سلمان شہباز سے فروخت کیے جانے والے رہائشی و کاروباری اثاثوں ، ذرائع آمدن ، کاغذات، مکمل انکم ٹیکس ، ویلتھ ٹیکس ریٹرنز ، ملکی وغیر ملکی کمپنیوں میں سرمایہ کاری اور شئیرز کی تفصیلات بھی طلب کی گئی تھیں۔ نیب ذرائع کے مطابق حمزہ شہباز اور سلمان شہباز کے خلاف رمضان شوگر ملزکیس میں بھی بڑی پیش رفت دیکھنے میں آئی۔ رمضان شوگر ملز کے لیے چنیوٹ میں پل تعمیر کیا گیا جس کے لیے حکومتی خزانے سے 20 کروڑ روپے جاری کئے گئے۔
Live وزیراعظم شہباز شریف سے متعلق تازہ ترین معلومات