نصیبولال،مراتب علی فلم’’پی جے‘‘میں اشفاق علی کی دھنوں پر آوازکا جادوجگائیں گے

ہفتہ 17 نومبر 2018 11:50

لاہور (اُردو پوائنٹ اخبارتازہ ترین - این این آئی۔ 17 نومبر2018ء) پاکستان فلم انڈسٹری کی معروف گلوکارہ نصیبولال اور گلوکارمراتب علی ایک عرصے کے بعد فلمسازاشفاق مغل کی فلم’’پی جے‘‘میں میوزک ڈائریکٹراشفاق علی کی بنائی گئی دھنوں پر اپنی آوازکا جادوجگائیں گے۔

(جاری ہے)

یہ فلم مغل پروڈکشن کے بینرتلے بنائی جارہی ہے،فلم کے میوزک کی تیاریاں ان دنوں مقامی سٹوڈیومیں زورشورسے جاری ہیں،فلم کے ہدایتکارشاہدشیخ ،شاعراظہر حسین چاچا،مصنف واجدزبیری ہیں جبکہ میوزک اشفاق علی نے ترتیب دیا ہے فلم میں اپنی خوبصورت آوازوں کا جادوگلوکارہ نصیبولال،مراتب علی،سہانا چودھری جگائیں گی،امیدکی جارہی ہے کہ فلم کا میوزک رواں ہفتے میں ہی مکمل کرلیا جائے گا۔