رائے ونڈ گھر میں آتشزدگی سارا سامان جل کر راکھ

ہفتہ 17 نومبر 2018 18:30

رائے ونڈ (اُردو پوائنٹ اخبارتازہ ترین - این این آئی۔ 17 نومبر2018ء) رائے ونڈ میں بیوہ کے گھر میں آتشزدگی سے گھر کا سارا سامان جل کر راکھ ہوگیا ،غریب بیوہ اپنے بچوں کی کفالت اور چھت کی بحالی کیلئے حکومتی امداد کی منتظر ہے۔

(جاری ہے)

تفصیلات کے مطابق رائے ونڈ کے علاقہ محلہ جمال نگر کی بیوہ خاتون کے گھر میں اچانک آگ بھڑک اٹھی جس نے پورے گھر کو اپنے لپیٹ میں لے لیا،خوفناک آتشزدگی کی وجہ سے گھر میں موجود الیکڑانکس اشیاء سمیت قیمتی پارچہ جات جل کر راکھ کے ڈھیر میں تبدیل ہو گئے ہیں بیوہ خاتون فوتگی پر لاہور گئی ہوئی تھی محلے دار وں اور متاثرہ خاتون نے وزیر اعظم عمران خان،وزیر اعلیٰ پنجاب عثمان بزدار سے مالی امداد کی اپیل کی ہے تاکہ خاتون اپنے بچوں کی کفالت کا سلسلہ جاری رکھ سکے ۔