ملک میں دو قانون نہیں چلنے دیں گے، نفیسہ شاہ

فریال تالپور کے خلاف جے آئی ٹی بن سکتی ہے تو پھر علیمہ خان کے خلاف کیوں نہیں بن سکتی ،بیان

ہفتہ 17 نومبر 2018 21:00

ملک میں دو قانون نہیں چلنے دیں گے، نفیسہ شاہ

اسلام آباد(اُردو پوائنٹ اخبارتازہ ترین - آن لائن۔ 17 نومبر2018ء) پاکستان پیپلزپارٹی پارلیمنٹیرین کی سیکریٹری اطلاعات اور رکن قومی اسمبلی ڈاکٹر نفیسہ شاہ نے کہا ہے کہ ملک میں دو قانون نہیں چلنے دیں گے۔ اگر محترمہ فریال تالپور کے خلاف جے آئی ٹی بن سکتی ہے تو پھر علیمہ خان نیازی کے خلاف جے آئی ٹی کیوں نہیں بن سکتی ایک ملک میں تمام شہری برابر ہیں۔

(جاری ہے)

علیمہ خان کے حوالے سے قانون کیوں بے بس ہی ایک بیان میں نفیسہ شاہ نے کہا کہ وزیراعظم یو ٹرن خان نے کہا تھا کہ این آر او نہیں کروں گا تو پھر اپنی ہمشیرہ علیمہ خان کو این آر او کیسے دیا۔ انہوں نے کہا کہ اگر ملک میں قانون ہے تو علیمہ خان نیازی سے کیوں نہیں پوچھا جاتا کہ انہوں نے بیرون ملک پراپرٹی کیسے خریدی، پیسہ کہا ں سے آیا، کس بینک کے ذریعے بیرون ملک رقم بھیجی، ان کا ذریعہ آمدن کیا ہے اور آج تک انہوں نے کتنا ٹیکس ادا کیا ہی ڈاکٹر نفیسہ شاہ نے کہا کہ خیبرپختونخوامیں ریکارڈ کرپشن ہوئی مگر نیب یا کسی ادارے نے کوئی کارروائی نہیں کی۔ ۔۔طارق ورک