رائے ونڈ (اُردو پوائنٹ اخبارتازہ ترین - آن لائن۔ 18 نومبر2018ء) امیر تبلیغی جماعت
پاکستان حاجی عبدالوہاب کی نماز جنازہ مولانا نذر الرحمن نے پڑھائی جس میں لاکھوں لوگوں نے شرکت کی ، 98سالہ رائو محمدحاحی عبدالوہاب طویل عرصہ سے سانس اور سینے کے عارضہ میں مبتلا تھے چند روز قبل انکو
ڈینگی بخار ہوگیا جس کے باعث وہ لاہورکے ڈاکٹرز ہسپتال کے آئی سی یووارڈ میں زیر
علاج تھے ،جہاں وہ اتوار صبح نمازفجر کے بعد وہ اپنے خالق حقیقی سے جا ملے ان کی نماز جنازہ سندر روڈ اجتماع گاہ پنڈال میں پڑھائی گئی جس کے بعدان کووصیت کے مطابق تبلیغی مرکز کے قبرستان میں سپرد خاک کردیا گیا، ان کی وفات کی خبر
دنیا بھر میں پھیل گئی، لاکھوں لوگوں نے جنازہ میں شرکت کی،حاجی عبدالوہاب نے اپنی تمام زندگی تبلیغ اسلام میں گزار دی آپ 1922کو
انڈیا دہلی میں پیدا ہوئے آپکا آبائی علاقہ سہارن پور ہے، آپ راجپوت رائوبرادری سے تعلق رکھتے تھا ،ہجرت کے بعد چک نمبر 331بورے والا ضلع وہاڑی
پاکستان آئے، آپ نے اسلامیہ کالج
لاہور سے
تعلیم حاصل کی، گریجویشن کے بعد آپ نے تحصیلدار کی نوکری کی، 1944میںمرکز مولانا نظام الدین
انڈیا میںمولانا الیاس سے ملاقات کی، 6ماہ تک ان کی خدمت میں رہے، روحانی تعلق مولانا عبدلقادررائے پوری سے تھا ،جوانی میں مولانا عبدالوہاب ختم نبوت میں بڑ ھ چڑھ کر حصہ لیتے رہے، مولانا یوسف اور مولانا انعام الحق کے ساتھ بھی رہے، آپ نے دین اور تبلیغ کی دعوت کیلئے تحصیلدار کی نوکری بھی قربان کردی ،آپ
پاکستان کی ان 5شخصیات میں شامل ہیں جنہوں نے اپنی زندگی وقف کی تھی آپ تیسرے نمبر پر تھے ، مدرسہ عربیہ المعروف تبلیغی مرکز
رائے ونڈ میں32سال سے بچوں کو دین اسلام کی
تعلیم دیتے رہے، انہوں نے اپنی تمام زندگی سادگی اور اللہ تعالیٰ اور اس رسولؐ کے بتائے ہوئے اصولوںپر گزاری ،حاجی شفیع قریشی،بشیر آپ سے سینئر تھے آپ عالمی تبلیغی مرکز کے شوریٰ کے امیر تھے اور مرکزی شوریٰ نظام ودین اولا کے ممبر بھی تھے ،ان کی
بیوی حیات ہیں ،جبکہ وہ اولاد کی نعمت سے محروم تھے ،ان کے بعد مولانانذرالرحمن کو تبلیغی جماعت کا نیا امیر مقرر کردیا گیا ہے ،نمازجنازہ سے قبل مولانا
طارق جمیل نے میڈیا سے گفتگو کرتے ہوئے کہا کہ حاجی عبدالوہاب کا شمار ان لوگوں میں ہوتا ہے ،جو دوسروں کیلئے اپنی زندگیاں وقف کردیتے ہیں،حاجی عبدالوباب نے بھی امت محمدی کو جہنم کے عذاب سے بچاکر جنت میں لیجانے کی فکر میں اپنی ذات ،جذبات اور ضروریات کی قربانی دی اور اپنا ہر لمحہ اور ہر پائی یادالٰہی میںفنا کردی،انہوں نے کہا کہ حاجی عبدالوہاب کا خلاء کبھی بھی پر نہیں ہوسکتا ایسے انسان صدیوں بعد بھی پیدا نہیں ہوتے ،حاجی عبدالوہاب کی وفات پر
پولیس ٹریفک اور انتظامیہ نے خصوصی انتظامات کئے ،جنازہ میں شریک سیاسی شخصیات میں
شیخ رشید ،مرزا جاوید ،اشعر نیازی اور آصف شہزاد قابل ذکر ہیں ۔
