وزیر اعظم عمران خان کا تبلیغی جماعت کے امیر حاجی عبدالوہاب کی وفات پر گہرے دکھ اور افسوس کا اظہار

حاجی عبدالوہاب کی بطور عالم دین شخصیت اور انکی گرانقدر دینی خدمات کو ہمیشہ یاد رکھا جائے گا،وزیراعظم

اتوار نومبر 23:40

اسلام آباد ۔18 نومبر(اُردو پوائنٹ اخبارتازہ ترین۔ 18 نومبر2018ء) وزیر اعظم عمران خان نے تبلیغی جماعت کے امیر حاجی عبدالوہاب کی وفات پر گہرے دکھ اور افسوس کا اظہار کیا ہے۔ وزیراعظم آفس کی جانب سے جاری بیان کے مطابق وزیراعظم جو متحدہ عرب امارات کے ایک روزہ دورہ پر ہیں نے اپنے تعزیتی پیغام میں کہا کہ حاجی عبدالوہاب کی بطور عالم دین شخصیت اور انکی گرانقدر دینی خدمات کو ہمیشہ یاد رکھا جائے گا۔

(جاری ہے)

بیان کے مطابق وزیر اعظم نے اپنے ٹویٹ پیغام کہا ہے کہ انہوں نے اسلام اور امن کے پیغام کو پھیلانے کیلئے بڑا کام کیا ہے،ان کی رحلت سے پیدا ہونے والے خلاء کو آسانی سے پر* نہیں کیا جا سکے گا۔ وزیر اعظم نے حاجی عبدالوہاب کے درجات کی بلندی کیلئے دعا کی اور کہا کہ اللہ تعالی مرحوم کو جنت الفردوس میں اعلیٰ مقام عطا کرے۔ وزیراعظم نے حاجی عبدالوہاب کے لواحقین سے بھی تعزیت کا اظہار کیا۔