فیض احمد فیض کی34ویں برسی کل 20نومبر منائی جائے گی

پیر 19 نومبر 2018 15:11

فیصل آباد (اُردو پوائنٹ اخبارتازہ ترین - اے پی پی۔ 19 نومبر2018ء) ملک کے معروف ترقی پسند انقلابی شاعر و دانشوراور نقش فریادی، دوست سبا، نسخہ ہائے وفا، زندان نامہ، دست تہہ سنگ، سروادی سینا، میرے دل میرے مسافرسمیت درجنوں نادر و نایاب شعری مجموعوں اور تصنیفات کے مصنف فیض احمد فیض کی 34ویں برسی کل 20نومبر کوملک بھرمیں انتہائی عقیدت و احترام سے منائی جائے گی۔

(جاری ہے)

اس موقع پر فیصل آباد سمیت صوبائی دارالحکومتوں، ڈویژنل و ضلعی ہیڈ کوارٹر ز پر تعزیتی ریفرنسز ، سیمینارز ، کانفرنسز ، ورکشاپس ، مذاکروں، مباحثوں ، مشاعروں اور دیگر خصوصی تقریبات کا اہتمام کیا جائے گاجبکہ ادبی حلقے اس موقع پر قرآن خوانی اور فاتحہ کا اہتمام بھی کریں گے۔ مختلف تقریبات کے دوران ادب کے شعبہ سے تعلق رکھنے والی ملکی و غیر ملکی شخصیات ، سیاسی رہنما ، دانشور ، مبصرین ، مصنفین اور اہل قلم حضرات مذکورہ انقلابی شاعر کی ادبی ، قومی ، ملکی وملی خدمات کو خراج عقیدت پیش کریں گے۔

Facebook Twitter Google + Share on Whatsapp

فیض احمد فیض کی34ویں برسی کل 20نومبر منائی جائے گی

مزید قومی خبریں