پیپلز پارٹی حکومت کو غریب کش پالیسیوں کو مزید برداشت نہیں کرے گی ‘عابد حسین صدیقی

پیر 19 نومبر 2018 16:41

لاہور(اُردو پوائنٹ اخبارتازہ ترین - این این آئی۔ 19 نومبر2018ء) پاکستان پیپلز پارٹی لاہور کے اطلاعات عابد حسین صدیقی نے کہا ہے کہ تحریک انصاف کی حکومت کا آئی ایم ایف کے ایجنڈے کی تکمیل پر کارفرما ہے عوام کی باتیں کرنے والے اپنے انتخابی دعویٰ سے انحراف کر رہی ہے پاکستان پیپلز پارٹی حکومت کو غریب کش پالیسیوں کو مزید برداشت نہیں کرے گی اور بھرپور احتجاج کرے گی۔

(جاری ہے)

ایک بیان میں انہوں نے کہا کہ سابقہ دور میں وزیر خزانہ اسحاق ڈار کو آئی ایم ایف کی طرف سے ایوارڈ سے نوازا گیا تھا اس دفعہ لگتا ہے اسد عمر کو ایوارڈ سے نوازا جائے گا۔ حکومت عوام پر بجلی گیس اور تیل بم گرانے سے گریز کرے آئی ایم ایف کی طرف سے 200 ارب روپے کے مزید ٹیکس لگانا غریبوں کو خودکشیوں پر مجبور کرنے کے مترادف ہے۔ ٹیکسوں میں اضافہ سے مہنگائی کی نئی لہر اٹھے گئی۔ جو عوام کے منہ سے آخری نوالہ چھیننے کے مترادف ہے۔