ٹھٹھرتی رات میں سڑک کنارے بچوں سمیت سونے والے بھکاری کی اصلیت سامنے آ گئی
یہ ایک پیشہ ور بھکاری ہے ، میں نے ملازمت دینے اور بچوں کو اسکول میں داخل کروانے کی پیشکش کی لیکن وہ بچوں کو لے کر غائب ہو گیا۔ بھکاری کی مدد کرنے والے عمر حسین کا بیان
سمیرا فقیرحسین پیر 19 نومبر 2018 17:28
(جاری ہے)
عمر حسین نےاس شخص کو ملازمت دینے اور بچوں کو اسکول میں داخل کروانے کی پیشکش بھی کی۔
تاہم گذشتہ دو روز سے سوشل میڈیا پر عمر حسین سے متعلق یہ باتیں گردش کر رہی تھیں کہ عمر حسین نے صرف تصویریں بنوانے اور داد سمیٹنے کے لیے معذور بھکاری اور اس کے اہل خانہ کی مدد کی ، جب کہ تصاویر بنوانے کے بعد ان سے نہ صرف نئے کپڑے واپس لے لیے بلکہ ان کو صرف 1500 روپے دے کر وہاں سے رخصت کر دیا۔ ان تمام اطلاعات پر ریسٹورنٹ کے مالک عمر حسین کو سوشل میڈیا پر تنقید کا نشانہ بنایا جانے لگا جس پر اب عمر حسین خود ہی میدان میں آگئے ہیں۔ ریسٹورنٹ کے مالک عمر حسین نے کہا کہ یہ معذور شخص ایک پیشہ ور بھکاری ہے۔ میں نے اس شخص کو دو دن تک اپنے گھر میں پناہ دی ، اسے دفتر میں بھی رکھا اور اس سے کہا تھا کہ اس کے بچوں کو اسکول میں داخل کروایا جائے گا۔ اسی طرح اسے ریسٹورنٹ میں 30 ہزار پر ملازمت بھی دی تھی حالانکہ ہم ویٹرز کو 15 ہزار روپے ماہانہ دیتے ہیں ۔ اس معذور شخص نے مجھ سے مطالبہ کیا کہ آپ ہماری ویسے ہی کچھ مدد کر دیں جس پر میں نے اسے بتایا کہ ویسے پیسے نہیں دیئے جائیں گے البتہ ملازمت دی جائے گی اور بچوں کی تعلیم کے اخراجات اُٹھائے جائیں گے۔جس کے بعد معذور شخص اپنے بچوں کو یہ کہہ کر لے گیا کہ میں نے گاؤں جانا ہے اور بچوں کو ساتھ ہی لے کر جانا ہے ۔ لیکن وہ بچوں سمیت غائب ہو گیا ۔ عمر حسین نے کہا کہ ہم پر بعد میں یہ انکشاف بھی ہوا کہ اس شخص کے ساتھ موجود سب سے چھوٹا بچہ بھی اس کا اپنا بچہ نہیں ہے ۔ بلکہ اس نے اُس بچے کو بھیک مانگنے کے لئے خرید رکھا ہے ۔ عمر حسین کے مطابق یہ خاندان راوی روڈ کے پاس خیمہ بستی میں رہتا ہے اور بھیک کی مد میں روزانہ کے 5 ، 6 ہزار روپے کما لیتا ہے ۔ اس خیمہ بستی میں موجود تمام لوگ بھیک مانگتے ہیں اور یہ ایک مافیہ بن چکا ہے۔ عمر حسین کا کہنا ہے کہ ہم نے اس معذور شخص کی مدد کے لیے کراچی میں ایک مصنوعی بازو بھی بنوا لیا تھا اور اسے علاج کے لیے کراچی بھیجا جانا تھا جہاں اس کا مفت علاج کیا جانا تھا لیکن اُس نے مصنوعی ہاتھ لگوانے سے بھی انکار کر دیا کیونکہ اُسے اچھی طرح علم تھا کہ مصنوعی ہاتھ لگوانے کے بعد وہ بھیک مانگنے کے قابل نہیں رہے گا اور کوئی اُس پر ترس بھی نہیں کھائے گا۔ عمر حسین نے کہا کہ میرے پاس اس حوالے سے تمام ویڈیوز اور تصاویر موجود ہیں کہ ہم نے کس حد تک اس شخص کی مدد کرنے کی کوشش کی لیکن اب ہم نے چائلڈ پروٹیکشن بیورو کو آگاہ کر دیا ہے جو اس شخص کو تلاش کر رہے ہیں ، ان کا سُراغ ملنے پر چائلڈ پروٹیکشن بیورو معذور شخص سے بچے اپنی تحویل میں لے گی کیونکہ اگر بچے اُسی کے پاس رہے تو وہ بچوں کو بھیک مانگنے کے لیے اور لوگوں کی ہمدردی حاصل کرنے کے لیے استعمال کرے گا۔مزید اہم خبریں
-
عدت میں نکاح کیس، بانی پی ٹی آئی و بشریٰ بی بی کی اپیلوں پر سماعت 30 اپریل تک ملتوی
-
صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات
-
ہم ایک ایسا معاشرہ بنائیں گے جس کا خواب قائد نے دیکھا تھا، وزیراعظم شہباز شریف
-
جو نام بانی پی ٹی آئی دیں گے وہی چیئرمین پی اے سی ہو گا، عمرایوب
-
پارٹی کے اندرونی معاملات پر پارٹی میں ہی بحث کرنی ہے، چیئرمین پی ٹی آئی کا شیرافضل مروت کو انتباہ
-
9 مئی کو پی ٹی آئی نے پرامن احتجاج کیا، پارٹی نے کسی کو پرتشدد ہونے کا نہیں کہا
-
یرغمال تفریح گاہیں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
وزیراعظم کا کراچی کے لیے 150 بسیں دینے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.