کراچی،سی ویو حادثہ، کم عمر ڈرائیور ریمانڈ پر پولیس کے حوالے

پیر 19 نومبر 2018 19:01

کراچی(اُردو پوائنٹ اخبارتازہ ترین - این این آئی۔ 19 نومبر2018ء) کراچی کے علاقے سی ویو پر گاڑی کی ٹکر سے 2 افراد کی ہلاکت سے متعلق مقدمے میں عدالت نے ملزم معیز کو دو دن کے جسمانی ریمانڈ پر پولیس کے حوالے کردیاہے۔پیرکومقدمے کی سماعت پر پولیس نے کم عمر ڈرائیور عبدالمعیز کو جوڈیشل مجسٹریٹ جنوبی کی عدالت میں پیش کیا۔

(جاری ہے)

پولیس کے مطابق ملزم حادثے کے وقت 120 کلو میٹرفی گھنٹہ کی رفتار سے گاڑی چلا رہا تھا، عدالتنے ملزم کو دو دن کے جسمانی ریمانڈ پر پولیس کے حوالے کرتے ہوئے ملزم کی عمر کا تعین کرنے کا بھی حکم دیا۔

واضح رہے کہ اس کیس کا مقدمہ حادثے میں ہلاک ہونے والے دونوں افراد کے اہل خانہ کی مدعیت میں درج کیا گیا تھا۔گزشتہ شب سی ویو پر کار کی ٹکر سے بھٹائی آباد کے دو نوجوان ہلاک ہوئے تھے۔واقعے میں ملوث 16 سالہ معیز کو پولیس نے گرفتار کرلیاتھا۔