یوٹرن کا مطلب بات کرکے مکر جانا ہے، بات کرکے مکر جانا عمران خان کی پہچان ہے، ڈاکٹر نفیسہ شاہ

مسٹر یوٹرن خان یہ بات ذہن نشین کرلے کہ قوم انہیں مزید یوٹرن کی اجازت نہیں دے گی،بیان

پیر 19 نومبر 2018 22:27

یوٹرن کا مطلب بات کرکے مکر جانا ہے، بات کرکے مکر جانا عمران خان کی پہچان ..

اسلام آباد(اُردو پوائنٹ اخبارتازہ ترین - آن لائن۔ 19 نومبر2018ء) پاکستان پیپلزپارٹی پارلیمنٹیرین کی سیکریٹری اطلاعات اور رکن قومی اسمبلی ڈاکٹر نفیسہ شاہ نے کہا ہے کہ یوٹرن کا مطلب بات کرکے مکر جانا ہے اور بات کرکے مکر جانا عمران خان کی پہچان ہے۔

(جاری ہے)

عمران خان اور پی ٹی آئی کے وفاقی وزرائ کی طرف سے یو ٹرن کے حق میں بیان کی جانے والی تاویلوں پر تبصرہ کرتے ہوئے ڈاکٹر نفیسہ شاہ نے کہا کہ عمران خان کا مسئلہ یہ ہے کہ انہیں یہ یاد نہیں رہتا کہ آدھا گھنٹے پہلے کونسا جھوٹ بولا تھا۔

انہوں نے کہا کہ وزیراعظم اور ان کی پارٹی کے کرتوت دیکھ کر قوم عمران حکومت کو جھوٹے کی سرکار کہہ رہی ہے۔ انہوں نے کہا کہ احتساب سب کا ہونا چاہیے علیمہ خان احتساب سے مبرائ نہیں ہے۔ قوم کو اس سوال کا جواب دیا جائے کہ علیمہ خان کے پاس پیسہ کہاں سے آیا نفیسہ شاہ نے کہا کہ مسٹر یوٹرن خان یہ بات ذہن نشین کرلے کہ قوم انہیں مزید یوٹرن کی اجازت نہیں دے گی۔ ۔طارق ورک ن