پاکستان الیکٹرانک میڈیا ریگولیٹری اتھارٹی کے چیئرمین سلیم بیگ کی کیبل آپریٹرز کو قوانین پر عملدرآمد کی ہدایت

منگل 20 نومبر 2018 02:40

اسلام آباد۔19 نومبر(اُردو پوائنٹ اخبارتازہ ترین - اے پی پی۔ 20 نومبر2018ء) پاکستان الیکٹرانک میڈیا ریگولیٹری اتھارٹی (پیمرا) کے چیئرمین سلیم بیگ نے کیبل آپریٹرز پر زور دیا ہے کہ وہ قوانین پر عملدرآمد کریں۔

(جاری ہے)

انہوں نے یہ بات لاہور سے تعلق رکھنے والے کیبل آپریٹرز کے وفد کے ساتھ اجلاس میں کہی جنہوں نے چیئرمین پیمرا سے باہمی امور کے بارے میں تبادلہ خیال کیا۔

چیئرمین پیمرا نے کیبل آپریٹرز کو غیرقانونی طور پر ڈائریکٹ ٹو ہوم نشریات بارے سپریم کورٹ کے احکامات سے آگاہ کیا اور کہا کہ وہ پیمرا قوانین کا احترام کرتے ہوئے غیرقانونی سرگرمیوں اور ٹرانسمیشن میں تبدیلی سے گریز کریں۔ انہوں نے کہا کہ سماجی اور مذہبی اقدار کی خلاف ورزی کرنے والے چینلز کو کام کرنے سے روک دیا جائے گا۔