سرگودھا‘ نجی ہسپتال میں دوران آپریشن خاتون کی ہلاکت‘لیڈی ڈاکٹر اور عملہ کے خلاف مقدمہ درج

منگل 20 نومبر 2018 12:38

سرگودھا(اُردو پوائنٹ اخبارتازہ ترین - این این آئی۔ 20 نومبر2018ء) سرگودھا کے نجی ہسپتال میں دوران آپریشن خاتون کی ہلاکت اور متوفیہ کی فائل مانگنے پر دھمکیاں دینے اور لواحقین کو حبس بجا میں رکھنے پر لیڈی ڈاکٹر اور عملہ کے خلاف مقدمہ درج کر لیا گیا۔زرائع کے مطابق پولیس تھانہ کینٹ نے عدالت کے حکم پر ارشد علی ایڈوکیٹ کی مدعیت میں چک 47 کے نجی ہسپتال کی لیڈی ڈاکٹر ساجدہ اور عملہ کے محمد عمر،ذیشان عرف شامی اور عمرا کے خلاف زیر دفعہ 342/506/294/147/149 ت پ مقدمہ درج کیا جس میں الزام لگایا گیا کہ وکیل کے دوست محمد شبیر کی بیوی نادیہ شبیر کو 21 ستمبر کو دوران آپریشن غفلت اور لاپرواہی سے قتل کر دیا گیا جس کی بچی زیر علاج رہی اس واقعہ کے بعد 24 ستمبر کو محمد شبیر اور اظہر عباس متوفیہ کے کاغذات فائل لینے گے تو عملہ نے دروازہ بند کر کے حبس بجا میں رکھا اور کہا کہ دستخط کرو کے کوئی کاروائی نہیں کریں گے ورنہ جان سے مار دیں گے۔

(جاری ہے)

اس دوران انہوں نے تصویر وغیرہ بھی بنا لیں اور کہا کہ اگر دوبارہ فائل لینے آئے تو مارے جاو گے۔ مدعی نے ہسپتال کو قتل کی آجگاہ قرار دیا۔اس مقدمہ میں نامزد لیڈی ڈاکٹر کے مطابق خاتون کو نازک حالت میں ہسپتال لایا گیا جہاں اسے بے یار مدد گار چھوڑ دینے کے باوجود اس کا علاج کیا جا رہا تھا تاہم وہ انتہائی کوشیش کے باوجود مریضہ دم توڑ گئے جس کا ذمہ دار متوفیہ کا شوہر ہے۔