الیکشن کمیشن نے سینٹ کی پنجاب کی دو نشستوں پر پاکستان تحریک انصاف کے ولید اقبال اور سیمی ایزدی کی کامیابی کا نوٹیفکیشن جاری کر دیا

بدھ 21 نومبر 2018 00:00

․ اسلام آباد ۔ (اُردو پوائنٹ اخبارتازہ ترین - اے پی پی۔ 21 نومبر2018ء) الیکشن کمیشن آف پاکستان نے سینٹ کی پنجاب کی دو خالی نشستوں پر ہونے والے انتخاب میں پاکستان تحریک انصاف کے ولید اقبال اور سیمی ایزدی کی کامیابی کا نوٹیفکیشن جاری کر دیا ہے۔

(جاری ہے)

منگل کو الیکشن کمیشن کی طرف سے جاری کردہ نوٹیفکیشن کے مطابق یہ دونوں سیٹیں پاکستان مسلم لیگ (ن) کی سعدیہ عباسی اور ہارون خان کی سپریم کورٹ سے نااہلی کے بعد خالی ہوئی تھیں۔