وزیر اعظم عمران خان کی حکومت میں صرف یوٹرن کی تبدیلی آئی ہے،شرجیل میمن

بلاول بھٹو نے عمران خان کی حمایت صرف ایک معاملے کی ہے، پیپلز پارٹی کے رہنما کی احتساب عدالت میں مختصر گفتگو

منگل 27 نومبر 2018 16:50

کراچی(اُردو پوائنٹ اخبارتازہ ترین - آن لائن۔ 27 نومبر2018ء) پیپلز پارٹی کے رہنما شرجیل انعام میمن نے کہا کہ وزیر اعظم عمران خان کی حکومت میں صرف یوٹرن کی تبدیلی آئی ہے۔

(جاری ہے)

منگل کے روز احتساب عدالت میںپیشی کے دوران شرجیل انعام میمن نے صحافیوں سے مختصر گفتگو کرتے ہوئے کہا کہ وزیر اعظم عمران خان کی حکومت میں کوئی اور تبدیلی آئے یا نہ آئے لیکن ایک تبدیلی ضرور آئی ہے کہ انہوں نے اس مرتبہ یوٹرن کی تبدیلی متعارف کرائی ہے انہوں نے ایک اور سوال کے جواب میں کہا کہ پیپلز پارٹی کے چئیرمین بلاول بھٹو نے عمران خان کی حمایت صرف ایک معاملے کی ہے اور وہ ابھی بتانا ٹھیک نہیں ہے باقی ہم کسی معاملے میں بھی انکے ساتھ نہیں ہیں