حافظ محمد سعید کی زیر صدارت دفاع پاکستان کونسل کا سربراہی اجلاس،مولانا حامد الحق کومتفقہ طور پر دفاع پاکستان کونسل کا چیئرمین منتخب کرلیا گیا
اجلاس میں مولانا سمیع الحق کے بہیمانہ قتل کی شدید مذمت ، ملزمان کی گرفتاری کا مطالبہ،ناموس رسالت ؐ، عقیدہ ختم نبوت کے تحفظ، مقبوضہ کشمیر میں نہتے کشمیریوں کی قتل و غارت گری کیخلاف اور فرقہ واریت کے خاتمہ کیلئے ملک گیر سطح پر بھرپور جدوجہد کا اعلان
منگل 4 دسمبر 2018 17:10
(جاری ہے)
سیکرٹری جنرل جماعت اسلامی لیاقت بلوچ کی نگرانی میں سات رکنی سٹیئرنگ کمیٹی کام کرے گی جبکہ محمد یعقوب شیخ دفاع پاکستان کونسل کے چیف کوآرڈینیٹر ہوں گے۔دفاع پاکستان کونسل کو فعال اور قومی سطح پر سرگرمیوں کو تیز کیا جائے گا۔یہ فیصلے جماعة الدعوة کی میزبانی میں مرکز قبا آئی ایٹ اسلام آباد میں ہونے والے اجلاس میں کئے گئے ہیں۔
مولانا سمیع الحق کی شہادت کے بعد دفاع پاکستان کونسل کا یہ پہلا باقاعدہ مشاورتی اجلاس تھا۔اس موقع پر مولانا سمیع الحق کے بہیمانہ قتل کی شدید مذمت کرتے ہوئے کہا گیا کہ ان کے بہیمانہ قتل کی کڑیاں دہلی اور کابل سے ملتی ہیں، ان کے قاتلوں کو فی الفور گرفتارکیا جائے۔ اس دوران ان کیلئے دعائے مغفرت کی گئی۔اجلاس میں امیر جماعة الدعوة پاکستان پروفیسر حافظ محمد سعید، جمعیت علمااسلام (س)کے سربراہ مولانا حامد الحق حقانی، جماعت اسلامی کے سیکرٹری جنرل لیاقت بلوچ، جے یو پی اور ملی یکجہتی کونسل کے سربراہ صاحبزادہ ابو الخیر زبیر، اہل سنت و الجماعة کے سربراہ مولانا محمد احمد لدھیانوی، انصار الامہ کے سربراہ مولانا فضل الرحمن خلیل، پروفیسر حافظ عبدالرحمن مکی، محمد یعقوب شیخ، جمعیت علمائے اسلام کے مرکزی سیکرٹری جنرل مولانا عبدالرف فاروقی، جمعیت علماء اسلام کے ترجمان مولانا سید یوسف شاہ،تحریک نوجوانان کے سربراہ عبداللہ حمید گل ، حافظ عبدالغفار روپڑی، سید ضیاء اللہ شاہ بخاری و دیگر قائدین نے شرکت کی۔اجلاس میں مسلم کانفرنس کے سربراہ سردار عتیق احمد خان اور مسلم لیگ (ض) کے سربراہ اعجاز الحق کسی مجبوری کی وجہ سے شرکت نہ کرسکے انہوں نے بھی اجلاس کے ان فیصلوں کی تائید کی،دفاع پاکستان کونسل کے سربراہی اجلاس کے اختتام پر دفاع پاکستان کونسل کے نومنتخب چیئرمین مولانا حامد الحق حقانی نے خطاب کرتے ہوئے کہاکہ مولانا سمیع الحق کی شہادت سے پوری امت مسلمہ کے دل زخمی ہوئے ہیں،حکومت ان کے قاتلوں کو کیفرکردار تک پہنچائے،انہیں شہید اسلام اور شہید پاکستان کا ایوارڈ دے ،انہوں نے کہاکہ میں تمام قائدین کا شکریہ ادا کرتا ہوں کہ انہوں نے مولانا سمیع الحق کی خدمات کو خراج تحسین پیش کرتے ہوئے اٴْن کے مشن کو تمام سیاسی و مذہبی جماعتوں نے جاری رکھنے کا عہد کیا۔اور مجھ پر دفاع پاکستان کونسل کی قیادت کا بوجھ ڈالا۔سب سیاسی و مذہبی قائدین ہم سب کے دست وبازو ہیں،ان کے ساتھ مل کر ہم اسلام اور پاکستان کے دفاع کیلئے بھرپور کردار ادا کریں گے۔ ہم نے پورے پاکستان اور ملت اسلامیہ کیلئے آواز بلند کرنی ہے ،اور ہم ہمیشہ مظلوموں کا ساتھ دیں گے ۔ پاکستان کی ترقی اور حفاظت کیلئے بھرپور جدوجہد کریں گے ،یہ ملک کلمہ طیبہ کی بنیاد پر معرض وجود میں آیا ہے اور اس کے نفاذ کے لئے ہم آخر دم تک جدوجہد کرتے رہیں گے ۔امیر جماعة الدعوہ پاکستان پروفیسر حافظ محمد سعید نے کہا کہ دفاع پاکستان کونسل بھرپور کردار ادا کرنے کیلئے میدان عمل میں موجود ہوگی۔ناموس رسالت اور ختم نبوت پر کسی کو ڈاکہ نہیں مارنے دیا جائیگا۔اجلاس سے دیگر قائدین نے بھی خطاب کیااور دفاع پاکستان کونسل کو بھرپورانداز میں فعال کرنے کا عہد کیا۔مزید تجارتی خبریں
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.