آئی جی اسلام آباد تبادلہ کیس ،ْاعظم سواتی کو جواب جمع کرانے کی ہدایت

آئی ٹی رپورٹ تو آپ نے دیکھ لی ہوگی چیف جسٹس … جے آئی ٹی رپورٹ کا جائزہ لے چکے ہیں ،ْوکیل اعظم سواتی

منگل 4 دسمبر 2018 17:10

اسلام آباد(اُردو پوائنٹ اخبارتازہ ترین - این این آئی۔ 04 دسمبر2018ء) سپریم کورٹ آف پاکستان میں انسپکٹر جنرل اسلام آباد تبادلہ کیس کی سماعت کے دوران وفاقی وزیر برائے سائنس و ٹیکنالوجی اعظم سواتی نے تحریری جواب جمع کرانے کے لیے مہلت مانگ لی جس پر عدالت نے وفاقی وزیر کو منگل کی رات تک جواب جمع کرانے کی ہدایت کردی۔تفصیلات کے مطابق مذکورہ کیس کی گذشتہ سماعت پر عدالت عظمیٰ نے اختیارات کے ناجائز استعمال پر اعظم سواتی سے آئین کے آرٹیکل 62 ون ایف کے تحت وضاحت طلب کی تھی۔

(جاری ہے)

چیف جسٹس آف پاکستان جسٹس ثاقب نثار کی سربراہی میں سپریم کورٹ کے 3 رکنی بینچ نے آئی جی اسلام آباد تبادلہ ازخود نوٹس کیس کی سماعت کی۔سماعت کے دوران وفاقی وزیر سینیٹر اعظم سواتی اور ان کے وکیل عدالت عظمیٰ میں پیش ہوئے۔چیف جسٹس نے استفسار کیا کہ جے آئی ٹی رپورٹ تو آپ نے دیکھ لی ہوگی جس پر اعظم سواتی کے وکیل نے جواب دیا کہ جے آئی ٹی رپورٹ کا جائزہ لے چکے ہیں۔ انہوں نے تحریری جواب جمع کرانے کے لیے مہلت مانگ لی۔جس پر عدالت عظمیٰ نے ہدایت کی کہ منگل کی رات تک جواب جمع کروا دیا جائے جس کے بعد آئی جی اسلام آباد تبادلہ کیس کی آئندہ سماعت بدھ تک کے لیے ملتوی کردی گئی۔