ٹرانسفر لیٹر پر گاڑی کا استعمال غیر قانونی ہے، ایسی گاڑیوں کے خلاف کریک ڈاؤن کیا جائے۔ وزیر اعلیٰ سندھ
بدھ 5 دسمبر 2018 00:00
(جاری ہے)
ایک سوال پر ایڈیشنل آئی جی اسپیشل برانچ ڈاکٹر ولی اللہ دل نے وزیر اعلی سندھ کو بتایا کہ گاڑی جو کہ دہشت گردوں نے چائنیز قونصلیٹ میں حملے کے لئے استعمال کی تھی وہ جس شخص کے نام پر تھی وہ یہ گاڑی 6 سال قبل فروخت کر چکا تھا اور اب اس کی وفات کو5 سال گزر چکے ہیں ۔
گاڑی ٹرانسفر لیٹر پر استعمال ہو رہی تھی۔ اس پر وزیراعلی سندھ نے محکمہ ایکسائز کو ہدایت کی کہ وہ شہر میں ٹرانسفر لیٹر پر چلنے والی گاڑیوں کے خلاف کریک ڈائون شروع کریں۔ آئی جی سندھ ڈاکٹر کلیم امام نے وزیر اعلی سندھ کو جرائم کے اعداد و شما ر پر بریفنگ دیتے ہوئے کہا کہ 2013 ء میں 61 دہشت گردی کے واقعات رونما ہوئے تھے جوکہ اب کم ہوکر2018 ء میں صرف2 واقعات ہوئے ہیں۔ اسی طرح2013 ء میں ٹارگٹ کلنگ کے 509 کیسز رپورٹ ہوئے تھے جبکہ اب 2018 ء میں ان کی تعداد کم ہوکے صرف 5 ہے۔2013ئ میں بھتہ خوری کے 575 کیسز ریکارڈ کئے گئے اور اب2018 ء میں کم ہوکر ان کی تعداد 131 ہے۔ اغوا برائے تاوان کے کیسز کے بارے میں بتاتے ہوئے آئی جی سندھ نے کہا کہ 2013 ء میں 173 کیسز رپورٹ ہوئے تھے اور2018 ء میں یہ صرف 12 کیسز رجسٹرڈ ہوئے ہیں اس پر وزیر اعلی سندھ نے کہا کہ انہوں نے پولیس کو زیادہ سے زیادہ سہولیات فراہم کی ہیں اور انہیں جدید اسلحے اور تربیت سے آراستہ کیا ہے لہذا جرائم کی شرح کم ہوئی ہے، اب میں چاہتاہوں کہ تھانہ کلچر تبدیل ہو اس کے لیے میں نے پولیس پبلک فرینڈلی بنانے کے لیے ضروری اقدامات کیے ہیں ۔ وزیراعلی سندھ کو بتایا گیا کہ2013 ء میں 12187 موبائل چھیننے کے واقعات ہوئے تھے اور 2018 ء میں اس میں اضافہ ہوا ہے اور یہ 14051 واقعات رپورٹ ہوئے ہیں۔ ان واقعات میں اضافے کے اسباب کے بارے میں بتاتے ہوئے آئی جی سندھ نے کہا کہ ماضی میں امن و امان کی صورتحال ابتر تھی اور لوگ موبائل چھیننے کے واقعات رجسٹرڈ کرانے سے گریز کرتے تھے اب امن و امان کی صورتحال بہتر ہے اور لوگوں نے اپنی شکایات درج کرانا شروع کردی ہیں۔ وزیر اعلی سندھ نے کہا کہ سبب کوئی بھی ہو جرائم پر لازمی طور پر کنٹرول ہونا چاہیے۔ ڈاکٹر کلیم امام نے موٹرسائیکلوں اور گاڑیاں چھننے کے بارے میں بتاتے ہوئے کہا کہ 2013ء میں 5118 موٹر سائیکلیں چھینی گئیں اور 2018 ء میں اب ان کی تعداد کم ہوکے 1892 رپورٹ ہوئی ہیں۔ اسی طرح2013 ء میں 980 گاڑیاں چھینی گئیں جبکہ 2018 ء میں ان کی تعداد 165 ہے۔ وزیر اعلی سندھ نے آئی جی پولیس کو ہدایت کی کہ وہ اہم مقامات مثلا قونصلیٹس،سی ایم ہائوس ، گورنر ہائوس، آئی جی آفس کے باہر تعینات پولیس اہلکاروں کو بلٹ پروف جیکٹس فراہم کی جائیں اور وہ لازمی طور پر بلٹ پروف جیکٹوں کو پہنیں۔ مراد علی شاہ نے سیکریٹری داخلہ قاضی کبیر کو یہ بھی ہدایت کی کہ وہ چائنیز قونصلیٹ پر ہونے والے حملے کے نتیجے میں جاں بحق ہونے والے دو شہریوں (بلوچستان سی) کے لیے معاوضے کے حوالے سے انہیں سفارشات بھیجیں۔ انہوں نے زخمی سیکورٹی گارڈ کے علاج کے حوالے سے بھی دریافت کیا۔ وزیراعلی سندھ کو بتایا گیا کہ زخمی سیکورٹی گارڈ کی بہتر طریقے سے نگہداشت اور علاج ہو۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.