عوامی مسائل کے حل اور ملک و قوم کی خوشحالی کیلئے مخلصانہ کاوشوں کے مثبت نتائج سامنے آئینگے‘عثمان بزدار

تین ماہ میں صرف عوامی خدمت کے ایجنڈے کو آگے بڑھایا ہے،میرٹ اورگڈ گورننس کو فروغ دیا گیا ہے ‘وزیراعلیٰ پنجاب

جمعرات 6 دسمبر 2018 18:57

عوامی مسائل کے حل اور ملک و قوم کی خوشحالی کیلئے مخلصانہ کاوشوں کے مثبت ..

لاہور(اُردو پوائنٹ اخبارتازہ ترین - این این آئی۔ 06 دسمبر2018ء) وزیراعلیٰ پنجاب سردار عثمان بزدار سے وزیراعلیٰ آفس میں مختلف اضلاع سے تعلق رکھنے والے اراکین قومی و صوبائی اسمبلی نے ملاقات کی ۔وزیراعلیٰ نے اس موقع پر گفتگو کرتے ہوئے کہا کہ حقیقی تبدیلی کے ثمرات کو نچلی سطح پر پہنچانے کیلئے موثر حکمت عملی وضع کرلی گئی ہے ۔ عوامی مسائل کے حل اور ملک و قوم کی خوشحالی کیلئے مخلصانہ کاوشوں کے مثبت نتائج سامنے آئیںگے۔

انہوںنے کہا کہ تین ماہ میں صرف عوامی خدمت کے ایجنڈے کو آگے بڑھایا ہے ۔میرٹ اورگڈ گورننس کو فروغ دیا گیا ہے ۔

(جاری ہے)

پنجاب میں ہر کام میرٹ پرہی ہوگا۔ انہوںنے کہا کہ اداروں کی کارکردگی پرچیک اینڈ بیلنس کا موثر نظام وضع کیا جا رہا ہے۔ نئے پاکستان کی منزل کو ہر صورت حاصل کریں گے۔ انہوںنے کہا کہ پنجاب اپنی کارکردگی کے حوالے سے رول ماڈل بنے گا۔ منتخب نمائندے عوام سے قریبی رابطہ رکھیں اوران کے مسائل کے حل کیلئے کوشاں رہیں۔وزیراعلیٰ سے ملاقات کرنے والوں میں اراکین قومی اسمبلی محمد ثناء اللہ خان مستی خیل، مہر غلام محمد لالی، راحت امان اللہ بھٹی، رکن صوبائی اسمبلی گلریز افضل گوندل،سابق اراکین اسمبلی سردار میر بادشاہ قیصرانی اور خرم جہانگیر وٹو شامل تھے۔