حکومت سرمایہ کاروں کو ہر ممکنہ سہولیات فراہم کرنے کیلئے پرعزم ہے

وزیراعظم عمران خان کی شنگھائی الیکٹرک پاور کے چیرمین وانگ یندان سے ملاقات میں گفتگو کمپنی کے پاکستان میں بجلی کے شعبہ سرمایہ کاری کے فیصلہ کا خیرمقدم

جمعہ دسمبر 15:56

حکومت سرمایہ کاروں کو ہر ممکنہ سہولیات فراہم کرنے کیلئے پرعزم ہے
اسلام آباد ۔ (اُردو پوائنٹ اخبارتازہ ترین۔ 07 دسمبر2018ء) وزیراعظم عمران خان نے بجلی کے شعبہ میں شنگھائی الیکٹرک پاور کمپنی کے پاکستان میں سرمایہ کاری کے فیصلہ کا خیرمقدم کرتے ہوئے اس امر کا اعادہ کیا ہے کہ حکومت سرمایہ کاروں کو ہر ممکنہ سہولیات فراہم کرنے کیلئے پرعزم ہے۔

(جاری ہے)

انہوں نے یہ بات جمعہ کو شنگھائی الیکٹرک پاور کے چیرمین وانگ یندان سے گفتگو کرتے ہوئے کہی جنہوں نے وفد کے ہمراہ وزیراعظم آفس میں ان سے ملاقات کی۔

وانگ یندان نے وزیراعظم کو شنگھائی الیکٹرک پاور کی سرگرمیوں سے آگاہ کیا اور پاکستان میں بجلی کے شعبہ میں سرمایہ کاری میں دلچسپی ظاہر کی۔ وزیراعظم نے کمپنی اس اقدام کا خیرمقدم کرتے ہوئے کہا کہ حکومت ملک میں موجود سرمایہ کاری مواقع سے بھرپور استفادہ کیلئے سرمایہ کاروں کو زیادہ سے زیادہ سہولیات کی فراہمی اور سازگار ماحول مہیا کرنے کیلئے پرعزم ہے۔