جرمنی کا پاکستان کو پولیو کے خاتمے کیلئے امداد دینے کا اعلان

واضح رہے پانچ دسمبر کو بل میلنڈا اینڈ گیٹس فائونڈیشن کے ڈائریکٹر جے وینگر اور ڈپٹی ڈائریکٹر ٹیم پیٹرسن نے وزیراعظم کے معاون برائے پولیو بابر بن عطاء سے ملاقات ہوئی۔ وفد کی ملاقات وزیراعظم عمران خان اور مائیکرو سافٹ کے بانی بل گیٹس کے درمیان ٹیلیفونک گفتگو کے بعد ہوئی۔ وفد نے بابر بن عطاء کو وزیراعظم کے معاون برائے پولیو منتخب ہونے پر مبارکباد دی اور پولیو کے خاتمہ کیلئے ان کی کوششوں کو سراہا۔

اس موقع پر انسداد پولیو پروگرام اسلام آباد کے کوآرڈینیٹر ڈاکٹر رانا صفدر بھی موجود تھے۔ معاون برائے پولیو بابر بن عطاء نے وفدکو پولیو پروگرام کی تفصیلات اور درپیش چیلنجز سے آگاہ کیا۔ اس موقع پر ڈاکٹر جے وینگر نے اس عزم کا اظہار کیا کہ بل میلنڈا اینڈ گیٹس فائونڈیشن پولیو کے خاتمہ میں تعاون کو جاری رکھیں گے۔ اس سے قبل امریکی کمپنی مائیکروسافٹ کارپوریشن کے بانی اور بل اینڈ ملینڈا گیٹس فائونڈیشن کے شریک چیئرمین بل گیٹس نے پولیو کے خاتمے کے لئے وزیراعظم عمران خان کی کاوشوں کو سراہتے ہوئے مختلف شعبہ جات میں اپنا تعاون جاری رکھنے کی یقین دہانی کرائی ہے۔

وزیراعظم عمران خان اور بل گیٹس کے درمیان بدھ کو ٹیلی فون پر گفتگو ہوئی۔ تقریباً 30 منٹ تک جاری رہنے والی اس گفتگو کے دوران وزیراعظم کے انسداد پولیو کے بارے میں فوکل پرسن بابر بن عطا بھی موجود تھے۔ بل گیٹس نے انتخاب جیتنے اور منصب سنبھالنے پر وزیراعظم کو مبارکباد دی۔ انہوں نے پولیو کے خاتمے کی کاوشوں پر وزیراعظم عمران خان کو خراج تحسین پیش کیا اور مختلف شعبوں میں تعاون جاری رکھنے کی یقین دہانی کرائی۔ گفتگو کے دوران پاکستان میں آئی ٹی کے شعبے کو تقویت دینے پر بھی تبادلہ خیال ہوا۔ وزیراعظم نے سماجی شعبے میں تعاون پر بل گیٹس کا شکریہ ادا کیا۔