شام میں قید 700 غیرملکی جنگجوئوں کا کوئی مستقبل نہیں، کینیڈا

اوٹاوا(اُردو پوائنٹ اخبارتازہ ترین - این این آئی۔ 08 دسمبر2018ء) کینیڈا کے وزیر دفاع ہرجیت سنگھ نے کہا ہے کہ شام کی جیلوں میں قید 700 غیرملکی جنگجوئوں کے بارے میں کوئی علم نہیں کہ وہ کس حال میں ہیں اور نہ ہی ان کے مستقبل کے بارے میں کوئی بات کی جاسکتی ہے۔غیرملکی خبررساں ادارے کے مطابق چلی میں دہشت گردی کے خلاف منعقدہ ایک پریس کانفرنس سے 13 ملکوں کے دفاعی شعبے کے عہدیداروں نے خطاب کیا۔

اس موقع پر کینیڈا کے وزیردفاع نے کہا کہ تمام ممالک کو شام کی جیلوں میں قید غیرملکیوں کی واپسی کے کے لیے موثر لائحہ عمل اختیار کرنا چاہیے۔کینیڈین وزیر دفاع نے کہا کہ ان کے ملک نے شام کی جیلوں میں قید افراد کو مغربی معیار کی سہولیات کی فراہمی یقینی بنانے کے لیے اقدامات کیے ۔

(جاری ہے)

خیال رہے کہ شام میں کرد ڈیموکریٹک فورس کی قید میں 40 ممالک کیسیکڑوں جنگجو موجود ہیں۔

اس سے قبل امریکی وزیر دفاع جیمز میٹس بھی اس کی تصدیق کرچکے ہیں۔2014ء کو شام کے ایک وسیع علاقے پر دولت اسلامیہ داعش کے جنگجوئوں نے قبضہ کرلیا تھا۔ امریکا اور مغربی ممالک کی قیادت میں ڈیموکریٹک فورس نے شام میں داعش کے خلاف آپریشن کیا اور تنظیم کے سیکڑوں جنگجوئوں کو حراست میں لے لیا تھا۔امریکا نے توقع ظاہر کی کہ شام کی جیلوں میں قید غیرملکی جنگجوئوں کی ان کے اپنے ملکوں کو واپسی کے اقدامات کیے جائیں گے۔