دھند کے باعث اسلام آباد۔ لاہور موٹروے کو ٹریفک کے لئے بند کردیا گیا

ہفتہ 8 دسمبر 2018 14:35

اسلام آباد (اُردو پوائنٹ اخبارتازہ ترین - اے پی پی۔ 08 دسمبر2018ء) دھند کے باعث اسلام آباد۔ لاہور موٹروے کو ٹریفک کے لئے بند کردیا گیا ہے۔ ہفتہ کی صبح کو لاہور، گوجرانوالہ، شیخوپورہ، حافظ آباد، قصور اور ملحقہ علاقوں میں شدید دھند چھائی رہی جس کے باعث لاہور راولپنڈی موٹروے کو ٹریفک کے لئے بند کیا گیا۔

(جاری ہے)

اسی طرح فیصل آباد سے گوجرہ تک بھی دھند کے باعث موٹروے کو بند کیا گیا۔ موٹروے پولیس کے مطابق ڈرائیور حضرات کو لاہور اسلام آباد جی ٹی روڈ کے روٹ پر سفر کا مشورہ دیا گیا ہے۔ موٹروے پولیس نے ڈرائیوروں کو سست رفتاری، احتیاط اور فوگ لائٹس کے ساتھ سفر کی ہدایت کی ہے۔