پاکستان سپر لیگ میں کشمیر کی ٹیم کا مطالبہ زور پکڑنے لگا

آزاد کشمیر کی آبادی 30 لاکھ سے زیادہ ہے جس کا زیادہ حصہ نوجوانوں پرمشتمل ہے آزادکشمیرکی شرح خواندگی تمام صوبوں سے زیادہ ہے‘پشاور زلمی آزاد کشمیر کے کوآرڈینیٹر نیئر کا وزیراعظم اور چیئرمین پی سی بی کو خط

اتوار 9 دسمبر 2018 10:40

اسلام آباد(اُردو پوائنٹ اخبارتازہ ترین - این این آئی۔ 09 دسمبر2018ء) پاکستان سپر لیگ میں کشمیر کی ٹیم کا مطالبہ زور پکڑنے لگا۔ پشاور زلمی آزاد کشمیر کے کوآرڈینیٹر نیئر شہزاد عباسی نے وزیراعظم اور چیئرمین پی سی بی کو خط لکھ کر استدعا کی ہے کہ پی ایس ایل میں کشمیر کی ٹیم کو شامل کیا جائے۔پاکستان سپر لیگ میں کشمیرکی ٹیم کامطالبہ زور پکڑنے لگا۔

(جاری ہے)

پشاور زلمی آزاد کشمیر کے کوآرڈینیٹر نیئر کا وزیراعظم اور چیئرمین پی سی بی کو خط لکھا ہے جس میں درخواست کی گئی ہے کہ پی ایس ایل میں کشمیرکی ٹیم کوشامل کیا جائے۔ خط میں بتایا گیا ہے کہ آزاد کشمیر کے لوگ کرکٹ سے بے پناہ محبت کرتے ہیں اور اس کی آبادی 30 لاکھ سے زیادہ ہے جس کا زیادہ حصہ نوجوانوں پرمشتمل ہے۔ آزادکشمیرکی شرح خواندگی بھی دیگر تمام صوبوں سے زیادہ ہے۔