ضلع ملاکنڈمیں پائیدار امن و امان کا قیام ہماری اولین ترجیح ہے،ڈپٹی کمشنراقبال حسین

اتوار 9 دسمبر 2018 18:50

پشاور۔ (اُردو پوائنٹ اخبارتازہ ترین - اے پی پی۔ 09 دسمبر2018ء) ڈپٹی کمشنر /کمانڈنٹ ملاکنڈ اقبال حسین نے لیویز فورس کے جوانوں سے کہا ہے کہ عوام کی جان و مال اور عزت و آبرو کے تحفظ کے ساتھ ساتھ ضلع میں پائیدار امن و امان کا قیام ہماری اولین ترجیح ہے۔ یہاں سے جاری ہونے والے ایک بیان میں انہوں نے کہا کہ امن وامان برقرار رکھنے اور جرائم کی بیخ کنی کیلئے انسداد ی کاروائیاں بلا امتیاز جاری رکھی جائیں ۔

(جاری ہے)

ڈپٹی کمشنر نے مزید کہا کہ ملاکنڈ لیویز فورس میں جزا وسزا کا عمل جاری رہے گا ،ایماندار اور محنتی افسران و اہلکار ہمارے لیے قابل احترام ہیں جبکہ سرکاری ڈیوٹی میں غفلت ،سست روی اور کرپشن میں ملوث ہونے پر سخت محکمانہ کارروائی کرنے سے کسی بھی صورت دریغ نہیں کیا جائیگا۔ انہوں نے مزید کہا کہ ملاکنڈ میں جاری گرینڈ آپریشن کے ذریعے جرائم پیشہ ، منشیات فروشوں اور سماج دشمن عناصر کے خلاف آہنی ہاتھوں سے نمٹا جائے گااور ضلع ملاکنڈ میں مثالی امن وامان برقرار رکھنے کے ساتھ ساتھ ہرقسم کی جرائم اور منشیات سے پاک کرنے کے لیے تمام ممکنہ اقدامات اٹھائے جائیں گے ۔