علیمہ خان اور آصف زرداری کیلئے الگ الگ قانون ہے،نفیسہ شاہ

پی ٹی آئی کے منشور میں ایک پاکستان تھا ہمیں دو نظر آرہے ہیں، پی پی رہنما

پیر 10 دسمبر 2018 16:51

علیمہ خان اور آصف زرداری کیلئے الگ الگ قانون ہے،نفیسہ شاہ

کراچی (اُردو پوائنٹ اخبارتازہ ترین - آن لائن۔ 10 دسمبر2018ء) پیپلز پارٹی کی رہنما نفیسہ شاہ نے کہا ہے کہ پی ٹی آئی کا منشوردو نہیں ایک پاکستان تھا،لیکن آج ہمیں دو پاکستان نظر آ رہے ہیںعلیمہ خان کے لئے اور قانو ن اور آصف علی زرداری اور دوسروں کے لئے اور قانو ن ہے ۔

(جاری ہے)

پیر کے روز اپنے ایک بیان میں نفیسہ شاہ نے کہا کہ پیپلز پارٹی کے رہنمائوں کی پانچ پانچ جگہ پیشیاں ہو رہی ہیں، عمران خان پر نیب کیس ہے لیکن انہیں نیب سے استثنیٰ حاصل ہے۔

انہوں نے مزید کہا کہ وزیر اعظم عمران خان کی ہمشیرہ علیمہ خان سے متعلق ایک رپورٹ آئی اور اس پر کوئی پیش رفت نہیں ہوئی بلکہ ان کو این آر او دے دیا گیا ہے آئین کے تحت ہر شہری قانون کی نظر میں برابر ہے، پھر وزیراعظم اور ان کی بہن کے معاملے میں فرق کیوں ہے ۔