چیئرمین نیب نے ڈیوٹی کے دوران نیب افسروں کے موبائل فون استعمال پر پابندی عائد کر دی،

دفتری اوقات میں پرائیویٹ مہمانوں کی آمد اور ملاقات پر بھی پابندی ہوگی ،گریڈ 18 کے آفیسرز کیلئے یونفارم پہننا لازمی قرار دیا گیا ہے، ترجمان نیب

پیر 10 دسمبر 2018 22:01

چیئرمین نیب نے ڈیوٹی کے دوران نیب افسروں کے موبائل فون استعمال پر پابندی ..

اسلام آباد ۔ (اُردو پوائنٹ اخبارتازہ ترین - اے پی پی۔ 10 دسمبر2018ء) چیئرمین نیب جسٹس (ر) جاوید اقبال نے قومی احتساب بیورو میں بہتری کیلئے اہم اقدامات کئے ہیں۔

(جاری ہے)

نیب ترجمان کے مطابق چیئرمین جسٹس (ر) جاوید اقبال نے ڈیوٹی کے دوران نیب افسروں کے موبائل فون استعمال پر پابندی عائد کر دی ہے جبکہ گریڈ 18 کے آفیسرز کیلئے یونفارم پہننا لازمی قرار دیا گیا ہے، اسی طرح نیب افسروں کی حاضری کو یقینی بنانے کیلئے بائیو میٹرک نظام پر عملدرآمد شروع کر دیا گیا ہے۔

دفتری اوقات میں پرائیویٹ مہمانوں کی آمد اور ملاقات پر بھی پابندی عائد کی گئی ہے۔ صرف سرکاری کام کے سلسلہ میں ہی ملاقات ہو سکے گی۔ واضح رہے کہ اعلیٰ سیاسی شخصیات سے میل ملاقاتوں پر چیئرمین نے نیب افسروں پر پہلے سے پابندی عائد کر رکھی ہے۔