آسٹریلیا بھارتی کھلاڑیوں نے ایڈیلیڈ ٹیسٹ میں زیادہ کیچز تھام کر نیا عالمی ریکارڈ قائم کر دیا

دونوں ٹیموں کے کھلاڑیوں نے مجموعی طور پر 35 کیچز تھام کر نئی تاریخ رقم کی

پیر 10 دسمبر 2018 22:40

آسٹریلیا بھارتی کھلاڑیوں نے ایڈیلیڈ ٹیسٹ میں زیادہ کیچز تھام کر نیا ..

ایڈیلیڈ (اُردو پوائنٹ اخبارتازہ ترین - آن لائن۔ 10 دسمبر2018ء) آسٹریلیا اور بھارتی کھلاڑیوں نے پہلے ٹیسٹ میچ میں زیادہ کیچز تھام کر نیا عالمی ریکارڈ قائم کر دیا، دونوں ٹیموں کے کھلاڑیوں نے مجموعی طور پر 35 کیچز تھام کر یہ سنگ میل عبور کیا، آسٹریلوی کھلاڑیوں نے 18 جبکہ بھارتی کھلاڑیوں نے 17 کیچز تھام کر حریف کھلاڑیوں کو پویلین کی راہ دکھائی، اتفاق کی بات یہ ہے کہ پہلے ٹیسٹ کی دوسری اننگز میں دونوں ٹیموں کے کھلاڑی کیچ آئوٹ ہوئے، اس سے قبل ٹیسٹ کرکٹ کی تاریخ میں ایک میچ میں زیادہ کیچز کا عالمی ریکارڈ آسٹریلیااور جنوبی افریقن کھلاڑیوں کے پاس تھا، دونوں ٹیموں کے کھلاڑیوں نے رواں سال کیپ ٹائون ٹیسٹ میں 34 کیچز تھام کر عالمی ریکارڈ پر قبضہ جمایا تھا۔۔