چارسدہ میں بارش سے سردی میں اضافہ،کھانے پینے کی دکانوں پر رش

منگل 11 دسمبر 2018 14:11

پشاور (اُردو پوائنٹ اخبارتازہ ترین - اے پی پی۔ 11 دسمبر2018ء) چارسدہ میں بارش سے سردی میں اضافہ ہو گیا ،عوام نے گرم کپٹر ے ‘چادر‘ واسکٹ ودیگر گرم ملبوسات نکال کر پہن لئے۔ بارش سے گردوغبارختم ہوگیاجس سے جاری موسمی متعدی بیماریوں کاتدارک ہو گیا۔

(جاری ہے)

عوام نے موسم سرما کے رجڑ اتمانزئی کے مشہور کھدرکے کپڑوں‘ چادروں سمیت دیگر ملبوسات کے خرید اری کیلئے مارکیٹوں اور لنڈ ا بازاروں کا رخ کرلیا چھتری فروخت کرنے والوں نے موسم کو دیکھتے ہوئے مہنگے داموں چھتریاں فروخت کی جبکہ روایاتی موٹے چاول ‘گرما گرم چپلی کباب ،گاجر کے حلوہ ،مچھلی فروشوں اورپختہ چائے فروشان پر غیر معمولی رش رہا ،تحصیل بازار کے بعض مصافاتی علاقوں میں نکاسی آب اور کیچڑ کی وجہ سے شدید مشکلات کاسامنا رہا ۔