برن یونٹس کے قیام کے لئے قرارداد پنجاب اسمبلی میں جمع

منگل 11 دسمبر 2018 14:55

لاہور (اُردو پوائنٹ اخبارتازہ ترین - این این آئی۔ 11 دسمبر2018ء) پاکستان تحریک انصاف کی رکن پنجاب اسمبلی سعدیہ سہیل رانا نے برن یونٹس کے قیام کے لئے قرارداد پنجاب اسمبلی میں جمع کروا دی جس میں کہا گیا ہے کہ پنجاب کا یہ مقدس ایوان حکومت پنجاب سے نئے برن یونٹ کے قیام کا مطالبہ کرتا ہے لاہور جیسے سوا کروڑ آبادی والے شہر میں صرف 2 برن یونٹ ناکافی ہیں جس سے مریضوں کو مشکلات کا سامنا ہے موجود برن یونٹس میں سٹاف کی بھی قلت ہے ان برن یونٹس میں سالانہ 32 سو سے زائد مریض آتے ہیں جن کے علاج معالجہ کے لئے موجودہ برن یونٹس سہولیات فراہم کرنے سے قاصر ہیں لہٰذا اس مقدس ایوان کے اراکین کی متفقہ رائے ہے کہ مزید برن یونٹس کا قیام عمل میں لایا جائے اور خالی اسامیوں کو بھی پُر کیا جائے ۔