سام سنگ پاکستان نے گلیکسی اے 9 سمارٹ فون جاری کر دیا

کراچی(اُردو پوائنٹ اخبارتازہ ترین - این این آئی۔ 11 دسمبر2018ء) سام سنگ پاکستان نے حال ہی میں نیا گلیکسی اے 9 متعارف کرایا ہے جو دنیا کا پہلا کواڈ کیمرہ سمارٹ فون ہے۔ اس فون میں چار ریئر کیمرے فراہم کئے گئے ہیں۔ 8 میگا پکسل کے الٹرا وائیڈ کیمرے، 10 میگا پکسل کے ٹیلی فوٹوکیمرے، 24 میگا پکسل کے مین کیمرے اور 5 میگا پکسل کے ڈیپتھ کیمرے کے ساتھ صارفین اپنے تمام خصوصی مواقع کیلئے چار گنا بہتر معیار کی تصاویر حاصل کرنے کے قابل ہوں گے۔

نئے سام سنگ گلیکسی اے 9 کے تمام چار ریئر کیمرے متنوع رینج کے آپشنز فراہم کرتے ہیں جو صارفین کو تصاویر نکالنے کے دوران انتخاب کی آزادی فراہم کرتے ہیں۔ اس فون کا 8 میگا پکسل الٹرا وائیڈ کیمرہ 120 ڈگری کا نظارہ پیش کرتا ہے جو وسیع مناظر کی عکسبندی کرنے میں مدد فراہم کرتا ہے جبکہ 2x آپٹیکل زوم کے ساتھ 10 میگا پکسل کا ٹیلی فوٹو کیمرہ فاصلے سے لی گئی تصاویر کو خوبصورتی سے پیش کرتا ہے۔

(جاری ہے)

اس کے علاوہ اس فون کا 5 میگا پکسل ڈیپتھ کیمرہ معیاری اور پیشہ ورانہ طور پر تیار کی گئی تصاویر کی طرح تصاویر کے پس منظر کو دھندلا کرتا ہے۔ اس فون کا 24 میگا پکسل مین کیمرہ شدید اور کم روشنی کے ماحول اور میں صاف شفاف تصاویر نکالنے کی صلاحیت رکھتا ہے اور تصاویر میں زیادہ تفصیل کے لئے دیگر رکاوٹوں کو کم کرتا ہے۔اس کے علاوہ صارفین آسانی کے ساتھ اپنی تصاویر کے معیار کو بڑھانے کیلئے Scene Optimizer اور Flaw Detection جیسے انٹیلی جنٹ فیچرز بھی استعمال کر سکتے ہیں۔

فون کی دیگر خصوصیات میں ایک 6.3 انچ کا انفینیٹی ڈسپلے شامل ہے جو زیادہ قیمتی نظارہ پیش کرتا ہے، اس فون میں 6 جی بی ریم کے ساتھ 128 جی بی کی انٹرنل سٹوریج فراہم کی گئی ہے جبکہ اس فون میں Dolby Atmos سرائونڈ سائونڈ، شاندار ٹچ اور خوبصورت ڈیزائن فراہم کیا گیا ہے صارف کے جمالیاتی احساس کا اظہار ہے۔ نئے سام سنگ گلیکسی اے 9 کے ساتھ سام سنگ پاکستان نے امید ظاہر کی ہے کہ اس سے صارفین کو زیادہ آسانی فراہم ہوگی جس کے نتیجے میں وہ اپنے فون کو زیادہ بہتر بنا سکیں گے، اس سے انہیں مکمل طور پر اپنے خاص لمحات سے لطف اندوز ہونے کا موقع میسر آئے گا۔ یہ حیران کن ڈیوائس ملک بھر میں 99,999 پاکستانی روپے میں دستیاب ہے۔